தவறவிடாதீர்கள்..!உடனே பதிவு செய்யுங்கள்

இந்தியா மற்றும் பாகிஸ்தானுக்கிடையிலான மோதலில் பாகிஸ்தானுக்கு சீனா, துருக்கி மற்றும் அஜர்மைஜான் ஆகிய நாடுகள் தெளிவான ஆதரவை வழங்க முன்வந்துள்ளதாக பாகிஸ்தான் பாதுகாப்பு அமைச்சர் கவாஜா ஆசிஃப் அந்நாட்டு பாராளுமன்றத்தில் தெரிவித்துள்ளார்.

அத்துடன் இந்தியாவுடனான மோதல் நிலைமை குறித்து ஈரான், ஐக்கிய அரபு இராச்சியம், சவுதி அரேபியா, சீனா, கத்தாருடன் பாகிஸ்தான் அரசு தினசரி தொடர்ந்து தொடர்பு கொண்டு கலந்துரையாடி வருகின்றது என்றும் பாகிஸ்தான் பாதுகாப்பு அமைச்சர் குறிப்பிட்டுள்ளார்

அத்துடன், இஸ்ரேலைத் தவிர இந்தியாவுக்கு எந்த நாடும் ஆதரவாக இல்லை என்றும் உலகின் பெரும்பாலான நாடுகள் இந்த விவகாரத்தில் நடுநிலை வகிக்கின்றன என்றும் பாகிஸ்தான் பாதுகாப்பு அமைச்சர் தெரிவித்துள்ளார்.

இதேவேளை, இந்தியா மற்றும் பாகிஸ்தானுக்கிடையிலான போர் பதற்றம் தொடர்ந்து நீடித்து வருகின்ற நிலையில், இரு நாடுகளும் போர் பதற்றத்தை தணிக்க வேண்டும் என உலகின் பெரும்பாலான நாடுகள் வலியுறுத்தி வருகின்றமை குறிப்பிடத்தக்கது.