தவறவிடாதீர்கள்..!உடனே பதிவு செய்யுங்கள்

நாடளாவிய ரீதியில் நேற்று வெள்ளிக்கிழமை (09) பொலிஸாரால் மேற்கொள்ளப்பட்ட விசேட சுற்றிவளைப்பு நடவடிக்கையின் போது போதைப்பொருட்களுடன் 359 பேர் கைது செய்யப்பட்டுள்ளதாக பொலிஸ் ஊடகப் பிரிவு தெரிவித்துள்ளது.

அதன்படி, ஹெரோயின் போதைப்பொருளுடன் 129 பேரும், ஐஸ் போதைப்பொருளுடன் 133 பேரும், கஞ்சா போதைப்பொருளுடன் 94 பேரும்,  கஞ்சா  செடிகளுடன் 03 பேரும் பொலிஸாரால் கைது செய்யப்பட்டுள்ளனர்.

இந்த விசேட சுற்றிவளைப்பு நடவடிக்கையின் போது 166 கிராம் 220 மில்லிகிராம் ஹெரோயின் போதைப்பொருளும், 176 கிராம் 446 மில்லிகிராம் ஐஸ் போதைப்பொருளும், 04 கிலோ 142 கிராம் 135 மில்லிகிராம் கஞ்சா போதைப்பொருளும்,  12534 கஞ்சா செடிகளும் பொலிஸாரால் கைப்பற்றப்பட்டதாக பொலிஸ் ஊடகப் பிரிவு மேலும் தெரிவித்துள்ளது.