தவறவிடாதீர்கள்..!உடனே பதிவு செய்யுங்கள்

காரணங்கள்

• பக்டீரியா அல்லது வைரஸ் தொற்றுப் பாதிப்பால், காதில் வீக்கம் மற்றும் வலி ஏற்படலாம்.

• காது கால்வாயில் ஈரப்பதம் தேங்கியிருப்பதால், பக்டீரியா அல்லது பூஞ்சை உருவாகக்கூடும். இதனால் தொற்று மற்றும் காதுவலி ஏற்படுகிறது.

• சைனஸில் ஏற்படும் அழற்சி மற்றும் நெரிசல் காதுகளில் அழுத்தம் மற்றும் வலியை உருவாக்கும்.

• ஒவ்வாமை எதிர்வினைகள் காது பத்திகளை வீங்கச்செய்து, காதுவலியை ஏற்படுத்தும்.

• ‘யூஸ்டாசியன்’ எனும் குழாய்கள், நடுத்தர காதில் அழுத்தத்தை சமன் செய்யத் தவறினால், அது வலிக்கு வழிவகுக்கும்.

• காதுக்குள் பொருட்களை செருகுவது எரிச்சல், தொற்று மற்றும் காதுவலியை ஏற்படுத்தும்.

• சில நேரங்களில், பல் வலி தாடைகள் வழியாக பரவி, காது வலி ஏற்படும்.

• ‘டொன்சில்ஸ்’ போன்ற தொண்டை தொற்று காரணமாகவும், காதில் வலி உண்டாகலாம்.

• காது கால்வாயானது, தாடைக்கு அருகில் இருப்பதால், அடிக்கடி பற்களை அரைத்தால், வலி ஏற்படும்.

அறிகுறிகள்

• ஒன்று அல்லது இரண்டு காதுகளிலும் கூர்மையான அல்லது மந்தமான வலி

• காது கால்வாயில் அரிப்பு அல்லது எரிச்சல்

• செவித்திறன் இழப்பு அல்லது மந்தமான செவிப்புலன்

• காதில் இருந்து அசுத்தம் வெளியேற்றம் அல்லது திரவமாக வடிதல்

• காய்ச்சல், தலைவலி மற்றும் தலைச்சுற்றல்

காதுவலிக்கான வீட்டு வைத்தியம்

• காது வலி அதிகமாக இருக்கும் போது சூடாக ஒத்தடம் கொடுப்பது சிறிது நிவாரணத்தை தரும். சுடு தண்ணீரில் ஒரு துணியை நனைத்து நன்றாக பிழிந்து அந்த சூட்டுடன் காதுகளில் ஒத்தடம் கொடுக்கலாம். இது காது வலியில் இருந்து நிவாரணம் பெற உதவுகிறது. காது அதிகமாக வலிக்கும் சமயங்களில் இதை பயன்படுத்தலாம்.

• காது வலி அதிகமாக உள்ள நேரங்களில் சில வீட்டு வைத்திய முறைகளில் முக்கியமாக பயன்படுத்துவது இந்த வெங்காயச்சாறு. வெங்காயச்சாற்றில் உள்ள அழற்சி எதிர்ப்பு பண்புகள் காது வலியை சரி செய்யக்கூடியவை. வெங்காயத்தை நறுக்கி சிறு துண்டுகளாக்கி குறைந்தது 15 நிமிடம் மிதமான சூட்டில் வதக்கவும். இதை ஆற வைத்து சாறாக பிழிந்து எடுத்துக் கொள்ளவும். காதுகளின் வெளிப்பகுதிகளில் இந்த சாற்றினை தடவ வேண்டும். காது வலி வரும் சமயங்களில் இதை காதை சுற்றி தடவி விடவும். இது காது வலியில் இருந்து நிவாரணம் பெற உதவும் ஒரு எளிய வீட்டு வைத்தியம் ஆகும்.

• காது அதிகமாக இருந்தாலோ, எந்த வேலையும் செய்ய இயலவில்லை என்றாலோ உடனடியாக மருத்துவரை சந்திப்பது அவசியம். காது வலி அதிகமாக இருக்கும் சமயங்களில் காதுகளில் உள்ள பக்டீரியா தொற்றுக்களை அகற்றுவதற்கு காது வலி சொட்டு மருந்துகள் உதவுகின்றன. இருப்பினும் இந்த மருந்துகளை பயன்படுத்துவதற்கு முன் மருத்துவரின் ஆலோசனையை பெறுவது முக்கியம்.

காதுத் தொற்றைத் தவிர்க்க

* ஒருவர் பயன்படுத்திய ஹெட்போனை இன்னொருவர் பயன்படுத்தக் கூடாது.

* ஹெட்போனில் உள்ள இரப்பரை, குறைந்தது வாரத்துக்கு ஒரு முறையாவது சுத்தம் செய்ய வேண்டும்.

* ஒருவர் பயன்படுத்திய கைபேசியை இன்னொருவர் பயன்படுத்தும்போது, ஒரு முறை துடைத்துவிட்டுப் பயன்படுத்த வேண்டும்.

* குளிக்கும்போது காதுக்குள் தண்ணீர் செல்லாமல் பார்த்துக்கொள்ள வேண்டும்.

* மருத்துவரால் பரிந்துரைக்கப்பட்ட மருந்துகளை மட்டுமே பயன்படுத்த வேண்டும். சுய மருத்துவம் கூடாது.