தவறவிடாதீர்கள்..!உடனே பதிவு செய்யுங்கள்

ஈழத்தின் கொழும்பு மாநகரில் சங்கம தீர்த்தமாகிய முகத்துவாரத்தில் திருக்கோயில் கொண்டுள்ள அருள்மிகு ஸ்ரீ சுவர்ணாம்பிகா சமேத ஸ்ரீமத் அருணாச்சலேஸ்வரர் தேவஸ்தானத்தின் ஶ்ரீ சாகம்பரி அம்பிகைக்கு விசுவாவசு வருடம் சித்திரை மாதம் 29 ஆம் நாள் (12) சுவாதி நட்சத்திரத்தில் திங்கட்கிழமை மஹா சண்டியாக பூஜை  நடைபெறவுள்ளது.

ஶ்ரீ சாகம்பரி அம்பிகைக்கு நடைபெறும்  மஹா சண்டியாக பூஜையின் ஆரம்ப நிகழ்வாக  எதிர்வரும் 11 ஆம் திகதி  ஞாயிற்றுக்கிழமை காலை 8 மணிக்கு கணபதி ஹோமம், துர்கா ஹோமம் மற்றும் நவக்கிரக ஹோமம் என்பன நடைபெறவுள்ளது.

இதனையடுத்து எதிர்வரும்  12 ஆம் திகதி காலை 5.30 மணியளவில் பூஜை, விஷேட ஹோமம், மஹா அபிஷேகம் என்பவற்றுடன் பகல் 12 மணியளவில் மகேஸ்வர பூஜை  நடைபெறவுள்ளதோடு, மாலை 7 மணியளவில் வசந்த மண்டப பூஜை, திருவூஞ்சல் மற்றும் சுவாமி வீதியுலா என்பனவும் நடைபெறவுள்ளது.