தவறவிடாதீர்கள்..!உடனே பதிவு செய்யுங்கள்

திருமணத்திற்கு பிறகும் தொடர்ந்து நடிப்பில் கவனம் செலுத்தி வரும் நடிகை வரலட்சுமி சரத்குமார் கதையை வழி நடத்திச் செல்லும் முன்னணி வேடத்தில் நடித்திருக்கும் 'தி வெர்டிக்ட்' எனும் திரைப்படத்தின் வெளியீட்டு திகதி அதிகாரப்பூர்வமாக அறிவிக்கப்பட்டிருக்கிறது.

இயக்குநர் கிருஷ்ண சங்கர் இயக்கத்தில் உருவாகியுள்ள இத்திரைப்படத்தில் பிரகாஷ் மோகன் தாஸ், வரலட்சுமி சரத்குமார், சுகாசினி மணிரத்னம், சுருதி ஹரிஹரன், வித்யூலேகா ராமன் ஆகியோர் நடித்திருக்கிறார்கள். அரவிந்த் கிருஷ்ணா ஒளிப்பதிவு செய்திருக்கும் இந்த திரைப்படத்திற்கு ஆதித்யா ராவ் இசையமைத்திருக்கிறார். இந்தத் திரைப்படத்தை அக்னி என்டர்டெய்ன்மென்ட் நிறுவனம் தயாரித்திருக்கிறது.

இப்படத்தின் ஃபர்ஸ்ட் லுக், செகண்ட் லுக், டீசர், பாடல் ஆகியவை வெளியாகி படத்தைப் பற்றிய எதிர்பார்ப்பை அதிகரிக்கச் செய்தது. இந்நிலையில் இந்த திரைப்படம் எதிர்வரும் மே மாதம் 30 ஆம் திகதியன்று உலகம் முழுவதும் படமாளிகையில் வெளியாகும் என அறிவிக்கப்பட்டிருக்கிறது. 

இதனிடையே நடிகை சுகாசினி மணிரத்னம் நான்கு ஆண்டுகளுக்குப் பிறகு மீண்டும் அழுத்தமான குணச்சித்திர வேடத்தில் நடித்திருக்கும் தமிழ் படம் இது என்பதும், 'மத கஜ ராஜா' படத்தின் பிரம்மாண்ட வெற்றிக்கு பிறகு வரலட்சுமி சரத்குமார் நடிப்பில் வெளியாகும் படம் இது என்பதும் இதற்காக இப்படத்திற்கு குறைந்தபட்ச ஓப்பனிங் இருக்கும் என்ற எதிர்பார்ப்பு ஏற்பட்டிருக்கிறது என்பதும் குறிப்பிடத்தக்கது.