தவறவிடாதீர்கள்..!உடனே பதிவு செய்யுங்கள்

உடைந்த எலும்பைக் கூட ஒட்ட வைக்கும் சக்தி வாய்ந்ததும், நமது முன்னோர்களின் மருத்துவத்தில் முக்கியப் பங்கு வகிப்பதுமான, மூலிகைகளில் ஒன்று தான் அருவதா பச்சை செடி. அடர்ந்த காடுகளிலும், மலைகளிலும் இயற்கையாக வளரக்கூடிய இந்தச் செடியானது, மூன்றடி உயரம் மட்டுமே வளரும். இதன் இலைகள் முருங்கை இலைகள் போல, சிறிதாகத் தண்டுகளில் இணைந்து காணப்படும். இந்த செடியில் மஞ்சள் நிறத்தில் பூ பூக்கும்.

இவை வறட்சியை தாங்கி வளரும் தன்மையுடவை. இதன் இலைகள், வேர்கள், காய்கள் என அனைத்தும் மருத்துவப் பலன்கள் நிறைந்தவை. இவை வீடு, வணிக நிறுவனங்களிலும் அழகுக்காகவும் வளர்க்கப்படுகிறது. இந்த மூலிகை செடி இருக்கும் இடத்தில் ஈக்கள் மொய்க்காது. இந்த செடி நாய், பூனைகளுக்கும் ஆகாது.

இந்த இலைக்கு எழும்பு முறிவு பாதிப்புகளை குணமாக்கும் ஆற்றலும் உண்டு. முதுகு தண்டு பாதிப்பை குணமாக்கும். முதுகுத்தண்டுவட வலி மற்றும் முதுகு வலி பாதிப்புகளையும் இது குணமாக்கும். சிறுநீர் கழிக்கும் போது ஏற்படக்கூடிய எரிச்சலைப் போக்கும்.

மேலும், சிறுநீர்த்தாரை அடைப்பை சரியாக்கும். கருப்பை பாதிப்புகளையும் அகற்றும். இந்த இலைகளுக்கு மூட்டுவலியை குணப்படுத்தும் தன்மையும் உண்டு. மன அழுத்தத்தினால் உருவாகும் நரம்பு பாதிப்புகளை குணப்படுத்தி இரத்தத்தை தூய்மைப்படுத்தி வயிற்றுப் புழுக்களை அழிக்கும்.

அதுதவிர, பெண்களுக்கு மாதவிலக்கில் ஏற்படும் இரத்தப் போக்கு பாதிப்புகளை சரி செய்யும். உடல் சூட்டையும் போக்கும். வாத உடல் வலி, வயிற்று வலியையும் போக்கும். சுளுக்கைக், கூட இந்த இலை போக்கிவிடும் தன்மை கொண்டது.

இதன் கைமருந்துகள்

இந்த இலைகளை பூண்டு சேர்த்து நீரில் கொதிக்க வைத்து, கீரையைப் போல் கடைந்து உணவில் சேர்த்து சாப்பிடலாம். இதனால் மூட்டு வலி, சிறுநீர்ப்பை அடைப்பு, மூச்சுத்திணறல் ஆகியவை குணமாகும்.

இதேபோல் இந்த இலையை நிழலில் உலர்த்தி, இடித்துத் தூளாக்கி வைத்துக்கொள்ள வேண்டும். அதிமதுரத் தூள், சதகுப்பை, கருஞ்சீரகம், இலவங்கப்பட்டை, இதையெல்லா தூளாக்கி அனைத்தையும் ஒன்றாகக் கலந்து, அதில் சிறிதளவு எடுத்து அத்துடன் பணங்கற்கண்டு சேர்த்து தினமும் இருவேளை சாப்பிட்டு வர உடல் சூடு தணியும்.

அதேசமயம், மன அழுத்தத்துக்குக் கூட, இவை பயன்படுகின்றன. இந்த இலைகளை சிறிது எடுத்து, மைபோல நன்கு அரைத்து. அத்துடன் சிறிது மிளகுத்தூள் சேர்த்து தினமும் இரண்டு வேளை சாப்பிட்டு வந்தால் மன அழுத்த பாதிப்புகள் விலகி, மனநிலை இயல்பாகும்.

பக்கவாத பாதிப்பால் பலரும் வீட்டுக்குள் முடங்கிப் போய் இருப்பார்கள். இவர்கள் இந்த இலைகளை நன்றாக அரைத்து உடலில் வாத பாதிப்பு உள்ள இடங்களின் மேலே தடவினால் சிறிது, சிறிதாக பாதிப்புகள் அகலும்.

இதேபோல் நரம்பு சுருட்டல் பாதிப்பையும் இது குணமாக்கும். இந்த இலைகளை நீரில் கொதிக்க வைத்து, அந்த நீர் வற்றியதும் ஆறவைத்து தினசரி இரண்டு அல்லது மூன்று வேளை பருகினால் மூட்டுவலி சரியாகும். குடல் புழு அழியும். இரத்த நாள அடைப்புகள் இருந்தால் அதையும் போக்கிவிடும்.