தவறவிடாதீர்கள்..!உடனே பதிவு செய்யுங்கள்

சுகாதாரத் தொண்டர்களுக்கு   நியமனம் வழங்கவில்லை  என வடமாகாணத்தில் போராட்டங்கள் நடைபெற்று  வந்த நிலையில் அதற்கான ஆதரவினை கிளிநொச்சி சுகாதார தொண்டர்கள் வழங்கி வந்தனர். இந்நிலையில் இன்று பிற்பகல் கிளிநொச்சி சுகாதார  தொண்டர்களும் கிளிநொச்சி சுகாதார வைத்திய அதிகாரி பணிமனைக்கு முன்பாக கவனயீர்ப்பு போராட்டத்தை ஆரம்பித்துள்ளனர்.

போராட்டத்தில் ஈடுபட்டுள்ள சுகாதார தொண்டர்கள் ஊடகங்களுக்கு கருத்து தெரிவிக்கையில்,

கிளிநொச்சி சுகாதாரத் தொண்டர்கள் ஆகிய நாம் நாளைய தினம் வடமாகாண ஆளுனரை சந்திக்க உள்ளோம். அவர் எமக்கு சுமுகமான பதிலை அளிக்காவிட்டால்  எமது கவனயீர்ப்புப் போராட்டம்  தீர்வு கிடைக்கும் அவரை தொடரும்.

நாம் 1992, 1997 களில்  இருந்து பலதரப்பட்ட கஷ்டங்களின் மத்தியில் தொண்டர்களாக பணிபுரிவதாகவும் தமக்கான நியமனங்களை  சம்பந்தப்பட்டவர்கள் பெற்றுத் தாருமாறு கோரிக்கை விடுக்கின்றோம் என கண்ணீருடன் கோரிக்கை விடுக்கின்றனர்.