தவறவிடாதீர்கள்..!உடனே பதிவு செய்யுங்கள்

நடிகரும், இயக்குநரும் , அரசியல்வாதியுமான சீமான் நடிக்கும் புதிய திரைப்படத்திற்கு,  'தர்மயுத்தம் ' என பெயரிடப்பட்டிருக்கிறது.  ' தர்மயுத்தம் ' என்பது சுப்பர் ஸ்டார் ரஜினிகாந்த் நடிப்பில் 1979 ஆம் ஆண்டின் வெளியாகி வெற்றி பெற்ற படம்.

இயக்குநர் ஆர். சுப்பிரமணியன் இயக்கத்தில் உருவாகும் ' தர்மயுத்தம் ' எனும் திரைப்படத்தில் சீமான் முதன்மையான கதாபாத்திரத்தில் நடிக்கிறார் . இவருடன் நடிகை அனு சித்தாரா மற்றும் இரா. க. சுரேஷ் ஆகியோர் நடிக்கிறார்கள். செழியன் ஒளிப்பதிவு செய்யும் இந்த திரைப்படத்திற்கு விஷால் சந்திரசேகர் இசையமைக்கிறார். கொமர்சல் என்டர்டெய்னராக தயாராகும் இந்த திரைப்படத்தை மூன் பிக்சர்ஸ் மற்றும் பிளானட் 9 பிக்சர்ஸ் நிறுவனங்கள் சார்பில் தயாரிப்பாளர்கள் ஆதம் பாவா மற்றும் மருத்துவர் இரா. க. சிவக்குமார் ஆகியோர் தயாரிக்கிறார்கள்.‌

இப்படத்தை பற்றிய டைட்டில் லுக் வெளியிடப்பட்டிருக்கிறது. அத்துடன் ' தீர விசாரிப்பதே மெய் ' என்ற வாசகமும் இடம் பிடித்திருப்பதால் இந்த திரைப்படம் புலனாய்வு சம்பந்தமான திரில்லர் படமாக இருக்கும் என்ற எதிர்பார்ப்பையும் ஏற்படுத்தி இருக்கிறது.

சுப்பர் ஸ்டார் நடித்து வெளியான திரைப்படத்தின் பெயர் என்பதாலும், சீமான் நடிப்பதாலும் ' தர்மயுத்தம்' படத்திற்கு ரசிகர்களிடையே பெரும் எதிர்பார்ப்பு ஏற்பட்டிருக்கிறது.