தவறவிடாதீர்கள்..!உடனே பதிவு செய்யுங்கள்

' ஸ்லிம் ஸ்டார் ' தனுஷ் கதையின் நாயகனாக நடித்து இயக்கும் 'இட்லி கடை' எனும் திரைப்படத்தின் படப்பிடிப்பு நிறைவடைந்ததாக படக் குழுவினர் பிரத்யேக புகைப்படத்தை வெளியிட்டு உற்சாகமாக அறிவித்துள்ளனர்.

நடிகரும், இயக்குநருமான தனுஷ் இயக்கத்தில் உருவாகி வரும் ' இட்லி கடை' எனும் திரைப்படத்தில் தனுஷ், அருண் விஜய், நித்யா மேனன், ஷாலினி பாண்டே ஆகியோர் நடித்திருக்கிறார்கள் இவர்களுடன் பிரகாஷ்ராஜ், சத்யராஜ், பார்த்திபன் ,சமுத்திரக்கனி,ராஜ்கிரண், ஆகியோர் சிறப்பு தோற்றத்தில் நடிக்கிறார்கள்.

கிரண் கௌசிக் ஒளிப்பதிவு செய்திருக்கும் இந்த திரைப்படத்திற்கு ஜீ. வி. பிரகாஷ் குமார் இசையமைத்திருக்கிறார். கொமர்சல் என்டர்டெய்னராக தயாராகும் இந்த திரைப்படத்தை வுண்டர்பார் ஃபிலிம்ஸ் மற்றும் டான் பிக்சர்ஸ் ஆகிய நிறுவனங்கள் இணைந்து தயாரித்திருக்கிறது.

எதிர்வரும் ஒக்டோபர் மாதம் முதல் திகதியன்று உலகம் முழுவதும் பட மாளிகையில் வெளியாகும் என அறிவிக்கப்பட்டிருக்கும் இந்த திரைப்படத்தின் படப்பிடிப்பு முழுமையாக நிறைவடைந்தது என படக் குழுவினர் மகிழ்ச்சியுடன் தெரிவித்துள்ளனர். விரைவில் படத்தின் டீசர் வெளியாகும் என எதிர்பார்க்கப்படுகிறது.