தவறவிடாதீர்கள்..!உடனே பதிவு செய்யுங்கள்

மொனராகலை  - மாத்தறை வீதியில் 21ஆவது மைல்கல் அருகில் இடம்பெற்ற விபத்தில் பெண் ஒருவர் உயிரிழந்துள்ளதாக லுனுகம்வெஹெர பொலிஸார் தெரிவித்தனர்.

இந்த விபத்து நேற்று வெள்ளிக்கிழமை (25) மாலை இடம்பெற்றுள்ளது.

சாரதியின் கட்டுப்பாட்டை இழந்த லொறி ஒன்று வீதியோரத்தில் இருந்த மூன்று பெண்கள் மற்றும் கடை ஒன்றின் மீது மோதியதில் இந்த விபத்து இடம்பெற்றுள்ளதாக பொலிஸார் தெரிவித்தனர்.

விபத்தில் படுகாயமடைந்த மூன்று பெண்களும் லுனுகம்வெஹெர வைத்தியசாலையில் அனுமதிக்கப்பட்ட பின்னர் அவர்களில் ஒருவர் உயிரிழந்துள்ளதாக பொலிஸார் மேலும் தெரிவித்தனர்.

உயிரிழந்தவர் லுனுகம்வெஹெர பிரதேசத்தைச் சேர்ந்த 55 வயதுடைய பெண் ஆவார். 

காயமடைந்த இரண்டு பெண்ளும் மேலதிக சிகிச்சைக்காக அம்பாந்தோட்டை வைத்தியசாலைக்கு மாற்றப்பட்டதாக பொலிஸார் தெரிவித்தனர்.

இதனையடுத்து லொறியின் சாரதி பொலிஸாரால் கைது செய்யப்பட்டுள்ளார்.

இது தொடர்பில் லுனுகம்வெஹெர பொலிஸார் விசாரணைகளை மேற்கொண்டு வருகின்றனர்.