தவறவிடாதீர்கள்..!உடனே பதிவு செய்யுங்கள்

முகம் பொலிவாக இருக்க வேண்டும் என நினைக்கும் பெண்களில் பலர் அவர்களது உதடுகளுக்கு அதிக முக்கியத்துவம் கொடுப்பதில்லை. 

ஒரு சில பெண்களின் உதடுகள் மிகவும் கருமையாக இருக்கும். என்னதான் உதட்டுச் சாயம், லிப் பாம் போன்றவற்றை பூசினாலும் அவற்றை நீக்கியவுடன் பழைய கருமை நிறம் வந்துவிடும்.

இதனால் பல பெண்கள் உதட்டுச் சாயம் பூசாமல் வெளியில் செல்வதேயில்லை. 

இவ்வாறான பிரச்சினைகளுக்கு முகம் கொடுக்கும் பெண்களுக்கு இயற்கையாகவே உதட்டின் கருமை நிறத்தை எவ்வாறு நீக்குவது எனப் பார்ப்போம். 

பீட்ரூட் சாறு - பீட்ரூட்டில் இயற்கையாகவே நிறத்தை அதிகரிக்கும் பண்புகள் அதிகமாக உள்ளன. எனவே, பீட்ரூட்டை தோல் சீவி சிறு சிறு துண்டுகளாக வெட்டி சாறு எடுத்து அதனை இரவு உறங்கச் செல்வதற்கு முன்பு உதட்டின் மீது பூச வேண்டும். இவ்வாறு தொடர்ந்து செய்துவரும் போது ஒரு மாதத்தில் மாற்றத்தை பார்க்கலாம். 

ஒரேஞ்ச் பழத்தோல் - ஒரேஞ்ச் பழத் தோலை வெயிலில் காயவைத்து தூளாக்கி அதனை தயிருடன் சேர்த்து கலந்து உதட்டின் மீது பூசி காய்ந்ததும் கழுவ வேண்டும். இவ்வாறு தொடர்ந்து வாரம் மூன்று தடவைகள் செய்ய வேண்டும். 

உருளைக்கிழங்கு சாறு - உருளைக்கிழங்கில் அதிகமான விட்டமின்கள் உள்ளன. எனவே உருளைக்கிழங்கொன்றை எடுத்து அதன் தோலை நீக்கி சிறு துண்டுகளாக்கி அதனை துருவி சாறு எடுத்து சுத்தமான பஞ்சை உருளைக்கிழங்கு சாற்றில் நனைத்து உறங்கச் செல்வதற்கு முன்பு உதட்டின் மீது தடவி வரவேண்டும்.  

மஞ்சள் - மஞ்சள் தூள், எலுமிச்சை சாறு, தக்காளிச் சாறு மூன்றையும் சேர்த்து குழைத்து உதட்டின் மீது தடவி 15 நிமிடங்களின் பின் கழுவ வேண்டும். இதனை வாரம் மூன்று தடவைகள் செய்ய வேண்டும். 

எலுமிச்சை - சீனி - எலுமிச்சை பழத்தின் சிறு துண்டைஎடுத்துஅதனை சீனியில் நனைத்து உதட்டின் மீது மென்மையாக தடவி மசாஜ் செய்ய வேண்டும்.