தவறவிடாதீர்கள்..!உடனே பதிவு செய்யுங்கள்

முல்லைத்தீவு பகுதியில் வங்கியொன்றின் கூரை பகுதி உடைக்கப்பட்டு திருடிய சம்பவத்துடன் தொடர்புடைய  சந்தேகநபர் ஒருவர் ஞாயிற்றுக்கிழமை (20) கைது செய்யப்பட்டுள்ளதாக பொலிஸார் தெரிவித்தனர்.  

குறித்த சம்பவம்  தொடர்பில் மேலும்  தெரியவருவதாவது, 

முல்லைத்தீவு கூட்டுறவு கிராமிய வங்கி (CRB) கடந்த 17 ஆம் திகதி கூரைபகுதி உடைக்கப்பட்டு அங்கிருந்து பெறுமதியான கையடக்க தொலைபேசி ஒன்றும் (I phone), 52,000 ரூபாய்  பணமும்  திருடப்பட்டுள்ளது. 

அதனையடுத்து  குறித்த  வங்கி நிர்வகத்தினரால்   முல்லைத்தீவு  பொலிஸ் நிலையத்தில் முறைப்பாடு  செய்யப்பட்டிருந்தது.

குறித்த கிராமிய கூட்டுறவு சங்கத்தில்  பொருத்தப்பட்ட கண்காணிப்பு கருவியின்  உதவியுடன்,  திருடப்பட்டதாக கூறப்படும்  சந்தேகநபரின்  முகநூலில் போடப்பட்ட தொலைபேசி பதிவினையும்  அடிதளமாக கொண்டு  சந்தேக நபர்  கைது செய்யப்பட்டுள்ளார்.

கைது செய்யப்பட்ட சந்தேகநபர்  கொக்குளாய் பகுதியினைச் சேர்ந்த 25 வயதுடைய இளைஞன் ஆவார். 

அத்துடன்,  குறித்த சம்பவம்  தொடர்பான  மேலதிக விசாரணைகளை  கொக்குளாய் பொலிஸார்  மேற்காெண்டு வருகின்றனர்.