தவறவிடாதீர்கள்..!உடனே பதிவு செய்யுங்கள்

இந்தியப் படைகளின் ஆக்கிரமிப்பிற்கு எதிராக 31 நாட்கள் உண்ணா நோன்பிருந்து, தாயக விடுதலைக்காக உயிர் நீத்த அன்னை பூபதியின் நினைவு தினம் அனுஷ்டிக்கப்பட்டு வருகின்றது. 

வவுனியாயாவில்

வவுனியாவில் அன்னை பூபதியின் 37வது நினைவுதினம், காணாமல் ஆக்கப்பட்ட உறவுகளின் சங்கத்தினால் இன்று அனுஸ்டிக்கப்பட்டது.

அவர்கள் தொடர்போராட்டம் மேற்கொண்டுவரும் வீதி அபிவிருத்தி திணைக்களத்திற்கு முன்பாக உள்ள கொட்டகையில் குறித்த நிகழ்வு இடம்பெற்றது.

இதன்போது அன்னாரது திருவுருவ படத்திற்கு மாலை அணிவிக்கப்பட்டு மலரஞ்சலி செலுத்தப்பட்டது.

இது தொடர்பாக கருத்து தெரிவித்த காணாமல் ஆக்கப்பட்ட உறவுகளின் சங்கத்தினர்….

"தமிழ்மக்களின் இறைமையை பாதுக்காப்பதற்காகவும், உரிமைகளுக்காகவும் தன்னை அர்ப்பணித்த அன்னைக்கான அஞ்சலியை தமிழர்தேசம் இன்று செலுத்திக்கொண்டிருக்கிறது. தமிழர்கள் காணாமல் ஆக்கப்பட்ட விடயத்தை சர்வதேச பொறிமுறையூடாக சர்வதேச மத்தியஸ்தத்தின் ஊடாகவே தீர்க்கமுடியும். 

குற்றவாளிகளே பிரச்சினையை தீர்ப்பது நீதியாக அமையாது. அத்துடன் காணாமல் ஆக்கப்பட்டவர்களுக்கான தீர்வை பெறுவதற்கு தமிழ் இறையாண்மை அவசியமான ஒன்று. அதனை நோக்கியே எமது போராட்டங்கள் அமைந்துள்ளன. எதிர்காலத்திலும் தமிழ் இறையாண்மை எமக்கு தேவை என்ற விடயத்தை தொடர்ச்சியாக சர்வதேசத்திற்கு உரத்துச்சொல்வோம்” என்றனர்.

யாழ். பல்கலைக்கழகத்தில்

யாழ்ப்பாண பல்கலைக்கழக பிரதான வளாகத்தில் இன்றைய தினம் அன்னை பூபதியின் 37வது நினைவு அஞ்சலி நிகழ்வுகள் இடம்பெற்றன.

இதன்போது, அன்னை பூபதியின் திருவுருப்படத்திற்கு சுடரேற்றி மலர்தூவி அஞ்சலி செலுத்தப்பட்டது. மேலும் அன்னைபூபதி தொடர்பான நினைவுரையும் இடம்பெற்றது.

யாழ்ப்பாணம் பல்கலைக்கழக மாணவர் ஒன்றியத்தினால் இந்த நினைவேந்தல் நிகழ்வுகள் முன்னெடுக்கப்பட்டன.