தவறவிடாதீர்கள்..!உடனே பதிவு செய்யுங்கள்

நடிகை ஹரிப்பிரியா முதன்மையான வேடத்தில் நடித்திருக்கும் ' தீராப்பகை' எனும் திரைப்படத்தின் முதல் தோற்ற பார்வை வெளியிடப்பட்டிருக்கிறது. இதனை இயக்குநரும், நடிகருமான சுப்பிரமணிய சிவா மற்றும் பாடலாசிரியரும் , நடிகரும்,  அரசியல்வாதியுமான சினேகன் ஆகியோர் இணைந்து அவர்களுடைய சமூக வலைதள பக்கத்தில் வெளியிட்டு படக்குழுவினருக்கு வாழ்த்து தெரிவித்திருக்கிறார்கள்.

இயக்குநர் ஆதி ராஜன் இயக்கத்தில் உருவாகும் 'தீராப்பகை' எனும் திரைப்படத்தில் விஜய ராகவேந்திரா,  ஹரிப்பிரியா , ஐஸ்வர்யா சிந்தோக்கி உள்ளிட்ட பலர் நடித்திருக்கிறார்கள். ராஜேஷ் கே. நாராயணன் ஒளிப்பதிவு செய்திருக்கும் இந்த திரைப்படத்திற்கு எம் ஜி கார்த்திக் இசையமைத்திருக்கிறார். கிரைம் திரில்லராக தயாராகி இருக்கும் இந்த திரைப்படத்தை கோல்டன் மேஜிக் கிரியேட்டர் நிறுவனம் சார்பில் தயாரிப்பாளர் டி . ஆதிராஜன் மற்றும் ஏ.  சூரியா ஆகியோர் இணைந்து தயாரித்திருக்கிறார்கள்.

இப்படத்தின் அனைத்து பணிகளும் நிறைவடைந்து வெளியீட்டிற்காக காத்திருக்கிறது . இந்நிலையில் தமிழ் புத்தாண்டை முன்னிட்டு இப்படத்தின் முதல் தோற்ற பார்வை வெளியிடப்பட்டிருக்கிறது. மேலும் இந்த திரைப்படம் எதிர்வரும் மே மாதம் படமாளிகையில் வெளியாகும் என அறிவிக்கப்பட்டிருக்கிறது.