தவறவிடாதீர்கள்..!உடனே பதிவு செய்யுங்கள்

'மைனா' படத்தின் மூலம் அறிமுகமான நடிகர் சேது கதையின் நாயகனாக முதன்மையான கதாபாத்திரத்தில் நடித்திருக்கும் ' மையல் ' எனும் திரைப்படத்தின் பர்ஸ்ட் லுக் வெளியிடப்பட்டிருக்கிறது. இதனை முன்னணி நட்சத்திர இயக்குநரும், நடிகருமான கௌதம் வாசுதேவ் மேனன் அவருடைய சமூக வலைதள பக்கத்தில் வெளியிட்டு, படக் குழுவினருக்கு வாழ்த்து தெரிவித்திருக்கிறார்.

இயக்குநர் ஏ பி ஜி ஏழுமலை இயக்கத்தில் உருவாகி உள்ள 'மையல் ' திரைப்படத்தில் சேது, ஸ்மிருதி தாரா, பி. எல். தேனப்பன், பாலா , சூப்பர் குட் சுப்பிரமணி உள்ளிட்ட பலர் நடித்திருக்கிறார்கள். எழுத்தாளர் ஜெயமோகன் கதை -திரைக்கதை- வசனம் -எழுதியிருக்கும் இந்த திரைப்படத்திற்கு பாலா பழனியப்பன் ஒளிப்பதிவு செய்ய, எஸ். அமர்கீத் இசையமைத்திருக்கிறார். கிரைம் சஸ்பென்ஸ் திரில்லராக தயாராகி இருக்கும் இந்த திரைப்படத்தை ஐகான் சினி கிரியேஷன்ஸ் எல் எல் பி நிறுவனம் சார்பில் தயாரிப்பாளர்கள் ஆர். வேணுகோபால் மற்றும் அனுபமா விக்ரம் சிங் ஆகியோர் இணைந்து தயாரித்திருக்கிறார்கள்.

இப்படத்தின் படப்பிடிப்பு பணிகள் நிறைவடைந்து தற்போது படப்பிடிப்புக்கு பிந்தைய தொழில்நுட்ப பணிகள் விறுவிறுப்பாக நடைபெற்று வருகிறது. இந்நிலையில் இப்படத்தின் பர்ஸ்ட் லுக் வெளியிடப்பட்டிருக்கிறது.  இதில் கதையின் நாயகன் உடல் ரீதியிலான துன்புறுத்தலுக்குப் பிறகு பொலிஸ் விசாரணைக்கு உட்படுத்தப்பட்டிருக்கும் தோற்றமாக வடிவமைக்கப்பட்டிருப்பதால் ரசிகர்களிடத்தில் எதிர்பார்ப்பை ஏற்படுத்தி இருக்கிறது. மேலும் இப்படத்தின் இசை வெளியீடு விரைவில் நடைபெறும் என படக் குழுவினர் உற்சாகத்துடன் அறிவித்துள்ளனர்.