தவறவிடாதீர்கள்..!உடனே பதிவு செய்யுங்கள்

அநுராதபுரம் - மிஹிந்தலை பொலிஸ் பிரிவுக்கு உட்பட்ட வெல்லமொராண பிரதேசத்தில் திங்கட்கிழமை (14) இரவு இடம்பெற்ற விபத்தில் இருவர்  உயிரிழந்துள்ளதாக மிஹிந்தலை  பொலிஸார் தெரிவித்தனர்.

சாரதியின் கட்டுப்பாட்டை இழந்த கெப் வாகனம் ஒன்று வீதியை விட்டு விலகி விபத்துக்குள்ளானதில் கெப் வாகனத்தின் சாரதியும் அதில் பயணித்த நபரொருவரும் படுகாயமடைந்துள்ளனர்.

படுகாயமடைந்த இருவரும் மிஹிந்தலை வைத்தியசாலையில் அனுமதிக்கப்பட்ட பின்னர் கெப் வாகனத்தின் சாரதி உயிரிழந்துள்ள நிலையில் அதில் பயணித்த நபர் மேலதிக சிகிச்சைக்காக அநுராதபுரம் வைத்தியசாலைக்கு மாற்றப்பட்ட பின்னர் சிகிச்சை பலனின்றி உயிரிழந்துள்ளதாக பொலிஸார் தெரிவித்தனர்.

மிஹிந்தலை நோக்கிப் பயணித்த கெப் வாகனம் ஒன்றே விபத்துக்குள்ளாகியுள்ளதாக பொலிஸார் தெரிவித்தனர்.

அநுராதபுரம் மற்றும் பலுகஸ்வெவ ஆகிய பிரதேசங்களைச் சேர்ந்த 25 மற்றும் 37 வயதுடைய இருவரே உயிரிழந்துள்ளதாக  பொலிஸார் மேலும் தெரிவித்தனர்.

இது தொடர்பான மேலதிக விசாரணைகளை மிஹிந்தலை பொலிஸார் மேற்கொண்டு வருகின்றனர்.