தவறவிடாதீர்கள்..!உடனே பதிவு செய்யுங்கள்

1979ஆம் ஆண்டு வரை, பயங்கரவாத தடைச் சட்டம் நாட்டில் நடைமுறையில் இருக்கவில்லை. ஆனால், அப்போதும் திட்டமிட்ட குற்றச் செயல்கள் இருந்தன. 1971 ஜே.வி.பி. கிளர்ச்சியை ஒடுக்கும் நடவடிக்கையின்போது கூட, பயங்கரவாத தடைச் சட்டம் பயன்படுத்தப்பட்டிருக்கவில்லை. அதற்குப் பின்னர் தான் அந்தச் சட்டமே கொண்டு வரப்பட்டது. அப்படியிருக்க, நாட்டில் திட்டமிட்ட குற்றச் செயல்களை கட்டுப்படுத்துவதற்கு வேறு சட்டங்கள் இல்லை என்ற நியாயத்தை வைத்துக்கொண்டு, பயங்கரவாத தடைச் சட்டத்தை தற்போதைய அரசாங்கம் கையாள முனைவது தவறான முன்னுதாரணம். பயங்கரவாத தடைச் சட்டத்தை நீக்குகின்ற வாக்குறுதியை அரசாங்கம் நிறைவேற்றுகின்ற நிலையில் இல்லை என்பதையே அதன் நிலைப்பாடுகளில் உள்ள குழப்பம் வெளிப்படுத்தி நிற்கிறது.