தவறவிடாதீர்கள்..!உடனே பதிவு செய்யுங்கள்

நடிகர் விஷ்ணு மஞ்சு - சரத்குமார் - கருணாஸ் உள்ளிட்ட தமிழின் பிரபல நடிகர்கள் நடித்திருக்கும் '  கண்ணப்பா ' எனும் திரைப்படத்தின் புதிய வெளியீட்டு திகதி அதிகாரப்பூர்வமாக அறிவிக்கப்பட்டிருக்கிறது.

இயக்குநர் முகேஷ் குமார் சிங் இயக்கத்தில் உருவாகியுள்ள ' கண்ணப்பா ' எனும் திரைப்படத்தில் விஷ்ணு மஞ்சு , மோகன் பாபு , சரத்குமார் , மது,  கருணாஸ்,  ஐஸ்வர்யா பாஸ்கரன்,  ப்ரீத்தி முகுந்தன்,  சம்பத் ராம் உள்ளிட்ட பலர் நடித்திருக்கிறார்கள்.

இவர்களுடன் மோகன்லால்-  பிரபாஸ் - அக்ஷய் குமார் - காஜல் அகர்வால்-  ஆகியோர் சிறப்பு தோற்றத்தில் நடித்திருக்கிறார்கள். ஷெல்டன் சாவ் ஒளிப்பதிவு செய்திருக்கும் இந்த திரைப்படத்திற்கு ஸ்டீபன் டெவாஸி இசையமைத்திருக்கிறார்.

இந்து மத புராண வரலாற்றில் இடம் பிடித்திருக்கும் கண்ணப்ப நாயனாரின் சரித்திரத்தை தழுவி தயாராகி இருக்கும் இந்த திரைப்படத்தை ஏ வி ஏ என்டர்டெய்ன்மென்ட் மற்றும் 24 பிரேம்ஸ் ஃபேக்டரி ஆகிய நிறுவனங்கள் இணைந்து தயாரித்திருக்கிறது.

அனைத்து பணிகளும் நிறைவடைந்து இம்மாதம் 25 ஆம் திகதியன்று வெளியாகும் என அறிவிக்கப்பட்டிருந்த கண்ணப்பா திரைப்படம் சில தவிர்க்க முடியாத காரணத்தினால் திட்டமிட்ட திகதிகள் படம் வெளியாகாது என்றும் , அதற்கு மாற்றாக எதிர்வரும் ஜூன் மாதம் 27 ஆம் திகதியன்று கண்ணப்பா திரைப்படம் உலகம் முழுவதும் தமிழ்,  தெலுங்கு, மலையாளம், கன்னடம், இந்தி ஆகிய இந்திய மொழிகளில் படமாளிகைகளில் வெளியாகும் என அறிவிக்கப்பட்டிருக்கிறது.

மூக பக்தி - கிராபிக்ஸ் - என இன்றைய ரசிகர்களின் மனநிலைக்கு ஏற்ப உருவாகி இருக்கும் கண்ணப்பா திரைப்படம் வசூல் ரீதியாகவும் ,விமர்சன ரீதியாகவும் பாரிய வெற்றியை பெரும் என திரையுலாக வணிகர்கள் அவதானிக்கிறார்கள் என்பது குறிப்பிடத்தக்கது.