தவறவிடாதீர்கள்..!உடனே பதிவு செய்யுங்கள்

நாட்டில் வெவ்வேறு பகுதிகளில் மேற்கொண்ட சுற்றிவளைப்பில் நேற்று திங்கட்கிழமை (07) உள்நாட்டு துப்பாக்கிகளுடன்  சந்தேகநபர்கள் இருவர் கைது செய்யப்பட்டுள்ளார்.

வவுனியா -  பறையனாலங்குளம்  பொலிஸ்  பிரிவுக்குட்பட்ட பெரியகட்டு பகுதியில்  நடத்தப்பட்ட சோதனையில் , உள்நாட்டு துப்பாக்கியுடன்  சந்தேக நபர் கைது செய்யப்பட்டுள்ளார்.

கைது செய்யப்பட்ட சந்தேக நபர் மரக்காரம்பளை பகுதியைச் சேர்ந்த 47 வயதுடையவர் என தெரியவந்துள்ளது.

இதேவேளை, நாவுல பொலிஸ் பிரிவின் லக்கலவிலிருந்து மாத்தளை நோக்கிச் சென்ற ஒரு காரை  சோதனையிட்டபோது,  பின் இருக்கையில் அமர்ந்திருந்த நபர்  உள்நாட்டு துப்பாக்கியை வைத்திருந்தமையினால் கைது செய்யப்பட்டுள்ளார். 

கைது செய்யப்பட்ட சந்தேக நபர்  மாத்தளை, ஹத்தொட்ட அமுன பகுதியைச் சேர்ந்த  38 வயதுடையவர் என தெரியவந்துள்ளது.

மேலும், குறித்த சம்பவம் தொடர்பில் நாவுல பொலிஸார் மேலதிக விசாரணைகளை மேற்கொண்டு வருகின்றனர்.