தவறவிடாதீர்கள்..!உடனே பதிவு செய்யுங்கள்

2 கோடி ரூபா பெறுமதியான குஷ் போதைப்பொருளுடன் இந்திய தம்பதி ஒன்று கட்டுநாயக்க விமான நிலையத்தில் வைத்து விமான நிலைய பொலிஸ் போதைப்பொருள் தடுப்பு பிரிவினரால் வியாழக்கிழமை (27) கைது செய்யப்பட்டுள்ளனர்.

30 வயது மதிக்கத்தக்க இந்திய தம்பதியே இவ்வாறு கைது செய்யப்பட்டுள்ளனர்.

சந்தேக நபர்களான இந்திய தம்பதி 6 வயதுடைய குழந்தையுடன் தாய்லாந்தின் பேங்கொக் நகரத்திலிருந்து நேற்றைய தினம் காலை 11.00 மணியளவில் கட்டுநாயக்க விமான நிலையத்தை வந்தடைந்துள்ளனர்.

இதன்போது, பொலிஸ் போதைப்பொருள் தடுப்பு பிரிவினரால் மேற்கொள்ளப்பட்ட சோதனையில் இந்திய தம்பதிகொண்டு வந்த பயணப்பொதிகளிலிருந்து 2 கிலோ கிராம் குஷ் போதைப்பொருள் கைப்பற்றப்பட்டுள்ளது.

இது தொடர்பான மேலதிக விசாரணைகளை விமான நிலைய பொலிஸ் போதைப்பொருள் தடுப்பு பிரிவினர் மேற்கொண்டு வருகின்றனர்.