தவறவிடாதீர்கள்..!உடனே பதிவு செய்யுங்கள்

கொஸ்கம பொலிஸ் பிரிவின் அவிசாவளை - கொழும்பு வீதியின் மிரிஸ்வத்த பகுதியில், அவிசாவளையிலிருந்து கொழும்பு நோக்கிச் சென்ற கார், வீதியோரத்தில் நடந்து சென்ற பாதசாரி மீது மோதி விபத்து ஏற்பட்டுள்ளது.

குறித்த விபத்தானது நேற்று புதன்கிழமை (26) இடம்பெற்றுள்ளதுடன், விபத்தில் பலத்த காயமடைந்த பாதசாரி, அவிசாவளை  வைத்தியசாலையில் அனுமதிக்கப்பட்ட பின்னர் சிகிச்சை பலனின்றி  உயிரிழந்துள்ளார்.

உயிரிழந்தவர் புவக்பிட்டிய பகுதியைச் சேர்ந்த 46 வயதுடையவர் என பொலிஸார் தெரிவித்துள்ளனர்.

காரின் சாரதி  தப்பிச் சென்றுள்ளதுடன், சந்தேக நபரை கைது செய்ய கொஸ்கம பொலிஸார் மேலதிக விசாரணைகளை மேற்கொண்டு வருகின்றனர்.