தவறவிடாதீர்கள்..!உடனே பதிவு செய்யுங்கள்

பாதாள உலக கும்பலைச் சேர்ந்த போதைப்பொருள் கடத்தல்காரரான “ஹரக் கட்டா” என அழைக்கப்படும் நதுன் சிந்தக விக்கிரமரத்ன கடும் பாதுகாப்புக்கு மத்தியில் மாத்தறை நீதிமன்றத்தில் இன்று புதன்கிழமை (26) காலை ஆஜர்படுத்தப்பட்டுள்ளார்.

வழக்கு விசாரணை ஒன்றுக்காக ஹரக் கட்டா இவ்வாறு நீதிமன்றத்தில் ஆஜர்படுத்தப்பட்டுள்ளார்.

பாதாள உலக கும்பலைச் சேர்ந்த “கணேமுல்ல சஞ்சீவ“ என அழைக்கப்படும் சஞ்சீவ குமார சமரத்ன என்பவர் கொழும்பு புதுக்கடை நீதிமன்றத்துக்குள் வைத்து கடந்த பெப்ரவரி மாதம் 19 ஆம் திகதி சுட்டுக்கொல்லப்பட்டிருந்தார்.

இதனால் ஹரக் கட்டாவின் தனிப்பட்ட பாதுகாப்பை கருத்தில் கொண்டு அவர் கடும் பாதுகாப்புக்கு மத்தியில் மாத்தறை நீதிமன்றத்தில் ஆஜர்படுத்தப்பட்டுள்ளார்.