தவறவிடாதீர்கள்..!உடனே பதிவு செய்யுங்கள்

துபாயில் தலைமறைவாக உள்ள போதைப்பொருள் கடத்தல்காரரான “படோவிட்ட அசங்க” என்பவரின் உதவியாளர் ஒருவர் கல்கிஸ்ஸை பொலிஸ் குற்றப் புலனாய்வு பிரிவினரால் கைது செய்யப்பட்டுள்ளார்.

கல்கிஸ்ஸை பொலிஸ் குற்றப் புலனாய்வு பிரிவினருக்குக் கிடைத்த தகவலின் பேரில் மேற்கொள்ளப்பட்ட சுற்றிவளைப்பில் சந்தேக நபர் கல்கிஸ்ஸை பிரதேசத்தில் வைத்து கைது செய்யப்பட்டுள்ளார்.

கைது செய்யப்பட்ட சந்தேக நபர் கல்கிஸ்ஸை, குணவர்தன வீதி பகுதியில் வசிக்கும் 19 வயதுடைய இளைஞன் ஆவார். 

சந்தேக நபரிடமிருந்து 10 இலட்சம் ரூபாவுக்கும் அதிக பெறுமதியான ஐஸ் போதைப்பொருள் மற்றும் 64 ஆயிரத்து 200 ரூபா பணம் என்பன பொலிஸாரால் கைப்பற்றப்பட்டுள்ளன.

கைது செய்யப்பட்ட சந்தேக நபர் கல்கிஸ்ஸை, பிலியந்தலை, மொரட்டுவை, தெஹிவளை மற்றும் பொரலஸ்கமுவ ஆகிய பிரதேசங்களில் போதைப்பொருட்களை விற்பனை செய்து வந்துள்ளதாக பொலிஸ் விசாரணையில் தெரியவந்துள்ளது.

இது தொடர்பான மேலதிக விசாரணைகளை  கல்கிஸ்ஸை பொலிஸ் குற்றப் புலனாய்வு பிரிவினர் மேற்கொண்டு வருகின்றனர்.