தவறவிடாதீர்கள்..!உடனே பதிவு செய்யுங்கள்

தமிழ் திரையுலகில் நம்பிக்கை தரும் நட்சத்திரமாக உயர்ந்து வரும் நடிகர் வெற்றி கதையின் நாயகர்களில் ஒருவராக நடித்திருக்கும்' 4 விண்டோஸ்' எனும் திரைப்படத்தின் பர்ஸ்ட் லுக் வெளியிடப்பட்டிருக்கிறது. 

இதனை 'மக்கள் செல்வன்' விஜய் சேதுபதி அவருடைய சமூக வலைதள பக்கத்தில் வெளியிட்டு, படக் குழுவினருக்கு வாழ்த்து தெரிவித்திருக்கிறார்.

அறிமுக இயக்குநர் நரேந்திரன் மூர்த்தி இயக்கத்தில் உருவாகி வரும் '4 விண்டோஸ் ' எனும் திரைப்படத்தில் வெற்றி, சத்யராஜ், எம். எஸ். பாஸ்கர், கோவை சரளா , சரண்குமார் , அயிரா கிருஷ்ணா,  பிரார்த்தனா நாதன்,  லிசி அண்டனி,  மாறன், அருள்தாஸ், கூல் சுரேஷ் , வையாபுரி, சின்னி ஜெயந்த், டி எஸ் ஆர் உள்ளிட்ட பலர் நடித்திருக்கிறார்கள். 

என். எஸ். உதயகுமார் ஒளிப்பதிவு செய்திருக்கும் இந்த திரைப்படத்திற்கு ஜெரார்ட் ஃபிலிக்ஸ் இசையமைத்திருக்கிறார். திரில்லர் ஜேனரிலான இந்த திரைப்படத்தை சேகர் ஜி புரொடக்ஷன் நிறுவனம் சார்பில் தயாரிப்பாளர் இளையராஜா சேகர் தயாரித்திருக்கிறார்.

இப்படத்தின் படப்பிடிப்பு பணிகள் நிறைவடைந்து தற்போது படப்பிடிப்புக்கு பிந்தைய தொழில்நுட்ப பணிகள் விறுவிறுப்பாக நடைபெற்று வருகிறது. இந்நிலையில் இப்படத்தின் ஃபர்ஸ்ட் லுக் வெளியிடப்பட்டிருக்கிறது. 

கண்காணிப்பு கமெரா ஒன்றில் மக்களின் நாளாந்த நடவடிக்கை அவதானிக்கப்படுவதை உணர்த்தும் வகையில் ஃபர்ஸ்ட் லுக் வடிவமைக்கப்பட்டிருப்பதால் அனைத்து தரப்பு ரசிகர்களையும் வெகுவாக கவர்ந்து வருகிறது.