தவறவிடாதீர்கள்..!உடனே பதிவு செய்யுங்கள்

பொரளை பொலிஸ் பிரிவின் ஓவல் மைதானத்திற்கு அருகில் வெடிமருந்துகளுடன் சந்தேகநபர் கைது செய்யப்பட்டுள்ளார்.

பொரளை பொலிஸ் நிலைய அதிகாரிகள் குழுவிற்கு கிடைத்த தகவலின் அடிப்படையில் நேற்று சனிக்கிழமை (22) சந்தேக நபர் கைது செய்யப்பட்டுள்ளதாக பொலிஸார் தெரிவித்துள்ளனர்.

கைது செய்யப்பட்ட சந்தேகநபர் பத்தரமுல்லை பகுதியைச் சேர்ந்த 24 வயதுடையவர் என தெரியவந்துள்ளது.

கைது செய்யப்பட்ட சந்தேகநபரிடமிருந்து T-56 ரக துப்பாக்கிக்கு பயன்படுத்தப்படும் வெடிமருந்து 07 மற்றும்  LMG வெடிமருந்து ஒன்றும் பொலிஸாரினால் கைப்பற்றப்பட்டுள்ளன.

இதேவேளை, கோமரன்கடவல,  கஜுவத்த பகுதியில் மேற்கொள்ளப்பட்ட சுற்றிவளைப்பில் உள்நாட்டு துப்பாக்கியை வைத்திருந்த சந்தேகநபர் கைது செய்யப்பட்டுள்ளார்.

கைது செய்யப்பட்ட சந்தேக நபர் குச்சவெளி பகுதியைச் சேர்ந்த 23 வயதுடையவர்  என பொலிஸார் தெரிவித்துள்ளனர்.

குறித்த சம்பவம் தொடர்பில் பொலிஸார் மேலதிக விசாரணைகளை மேற்கொண்டுவருகின்றனர்.