தவறவிடாதீர்கள்..!உடனே பதிவு செய்யுங்கள்

கொழும்பு - வெல்லம்பிட்டி பொலிஸ் பிரிவுக்கு உட்பட்ட கோதமீ மாவத்தை பகுதியில் நேற்று வெள்ளிக்கிழமை (21) பிற்பகல் ஆணொருவர் சடலமாக மீட்கப்பட்டுள்ளதாக வெல்லம்பிட்டி பொலிஸார் தெரிவித்தனர். 

சடலமாக மீட்கப்பட்டவர் தலுபிட்டிய, கடவத்தை பிரதேசத்தைச் சேர்ந்த 56 வயதுடையவர் என பொலிஸார் தெரிவித்தனர். 

கோதமீ மாவத்தை பகுதிக்கு முச்சக்கரவண்டியில் சென்ற இனந்தெரியாத இருவர் இந்த சடலத்தை வீதியில் விட்டு சென்றுள்ளதாக பொலிஸாரின் விசாரணைகளில் தெரியவந்துள்ளன.

சடலமானது கொழும்பு தேசிய வைத்தியசாலையின் பிரேத அறையில் வைக்கப்பட்டுள்ளதாக பொலிஸார் தெரிவித்தனர். 

இது தொடர்பான மேலதிக விசாரணைகளை வெல்லம்பிட்டி பொலிஸார் மேற்கொண்டு வருகின்றனர்.