தவறவிடாதீர்கள்..!உடனே பதிவு செய்யுங்கள்

பல்வேறு குற்றச் செயல்களுடன் தொடர்புடைய சந்தேக நபர் ஒருவர் மேல் மாகாணத்தின் தெற்கு பொலிஸ் குற்றப் புலனாய்வு பிரிவினரால் நேற்று செவ்வாய்க்கிழமை (18) கைது செய்யப்பட்டுள்ளார்.

மேல் மாகாணத்தின் தெற்கு பொலிஸ் குற்றப் புலனாய்வு பிரிவினருக்கு கிடைத்த தகவலின் அடிப்படையில் மேற்கொள்ளப்பட்ட சுற்றிவளைப்பில் சந்தேக நபர் ஹோமாகம கலவிலவத்தை பகுதியில் வைத்து கைது செய்யப்பட்டுள்ளார். 

சந்தேக நபரிடமிருந்து 5 கிராம் 200 மில்லிகிராம் ஹெரோயின் போதைப்பொருள் பொலிஸாரால் கைப்பற்றப்பட்டுள்ளது.

கைது செய்யப்பட்ட சந்தேக நபர் கோனபால பகுதியைச் சேர்ந்த 31 வயதுடையவர் ஆவார். 

சந்தேக நபர் அவிசாவளை பகுதியில் மூன்று பேர் சுட்டுக் கொல்லப்பட்ட சம்பவம் உட்பட பல்வேறு குற்றச் செயல்களுடன் தொடர்புடையவர் என பொலிஸ் விசாரணைகளில் தெரியவந்துள்ளன.