தவறவிடாதீர்கள்..!உடனே பதிவு செய்யுங்கள்

(நெவில் அன்தனி)

ஹம்பாந்தோட்டை மஹிந்த ராஜபக்ஷ சர்வதேச கிரிக்கெட் விளையாட்டரங்கில் நடைபெற்ற காலி அணிக்கும் கண்டி அணிக்கும் இடையிலான SLC தேசிய சுப்பர் லீக் 4 நாள்  கிரிக்கெட்  போட்டி எவ்வித சுவாரஸ்யமும் இல்லாமல் வெற்றிதோல்வியின்றி  இன்று முடிவடைந்தது.

முதலாவது இன்னிங்ஸ்  நிறைவில் 248 ஓட்டங்களால் முன்னிலையில் இருந்த காலி அணி, போட்டியின் கடைசி நாளான இன்றைய தினம் அதன் இரண்டாவது இன்னிங்ஸில் 5 விக்கெட்களை இழந்து 269 ஓட்டங்களைப் பெற்றிருந்தபோது ஆட்டம் முடிவுக்கு வந்தது.

அணித் தலைவர் பசிந்து சூரியபண்டார சதம் குவித்த பின்னரே மத்தியஸ்தர்கள் ஆட்டத்தை முடிவுக்கு கொண்டுவந்தனர்.

3ஆவது விக்கெட்டில் நிப்புன் தனஞ்சயவுடன் 72 ஓட்ட்ஙகளைப் பகிர்ந்த பசிந்து சூரியபண்டார, 4ஆவது விக்கெட்டில் சதீர சமரவிக்ரமவுடன் மேலும் 133 ஓட்டங்களைப் பகிர்ந்தார்.

பசிந்து சூரியபண்டார ஆட்டம் இழக்காமல் 102 ஓட்டங்களையும் நிப்புன் தனஞ்சய 63 ஓட்டங்களையும் சதீர சமரவிக்ரம 60 ஓட்டங்களையும் பெற்றனர்.

சஹான் ஆராச்சிகே,  ரவிந்து பெர்னாண்டோ ஆகியோர் தலா 2 விக்கெட்களை கைப்பற்றினர்.

எண்ணிக்கை சுருக்கம்

காலி 1ஆவது இன்: 602 - 9 விக். டிக்ளயார்ட் (நிப்புன் தனஞ்சய 137, ரமேஷ் மெண்டிஸ் 121, டிலும் சுதீர 81 ஆ.இ., சதீர சமரவிக்ரம 78, ஓஷத பெர்னாண்டோ 57, சமிந்து விக்ரமசிங்க 90 - 3 விக்., நுவனிது பெர்னாண்டோ 59 - 2 விக்., ரவிந்து பெர்னாண்டோ 121 - 2 விக்.)

கண்டி 1ஆவது இன்: சகலரும் ஆட்டம் இழந்து 350 (காமில் மிஷார 158 ஆ.இ., சொஹான் டி லிவேரா 60, நுவனிது பெர்னாண்டோ 51, மிலன் ரட்நாயக்க 65 - 4 விக்., துனித் வெல்லாலகே 37 - 2 விக்., டில்ஷான் மதுஷன்க 72 - 2 விக்.)

காலி 2ஆவது இன்: ஆட்டம் முடிவுக்கு கொண்டுவரப்பட்டபோது 269 - 5 விக். (பசிந்து சூரியபண்டார 102 ஆ.இ., நிப்புன் தனஞ்சய 63, சதீர சமரவிக்ரம 60, சஹான் ஆராச்சிகே 35 - 2 விக்., ரவிந்து பெர்னாண்டோ 87 - 2 விக்.)