தவறவிடாதீர்கள்..!உடனே பதிவு செய்யுங்கள்

வடக்குமசெடோனியாவில் இரவுவிடுதியொன்றில் ஏற்பட்டதீவிபத்து காரணமாக 50க்கும் அதிகமானவர்கள் உயிரிழந்துள்ளனர்.

இந்த தீவிபத்து காரணமாக 100க்கும் அதிகமானவர்கள் காயமடைந்துள்ளனர் என அந்த நாட்டின் உள்துறை அமைச்சு தெரிவித்துள்ளது.

தலைநகரிலிருந்து 100 கிலோமீற்றர் தொலைவில் உள்ள கொக்கானி நகரில் இந்த துயரச்சம்பவம் இடம்பெற்றுள்ளது.

இரவுவிடுதியின் கட்டிடம் முற்றாக தீயில் சிக்குண்டுள்ளதையும் கரும் புகை மண்டலம் எழுவதையும் காண்பிக்கும் படங்கள் சமூக ஊடகங்களில் வெளியாகியுள்ளன.

இசைநிகழ்வு இடம்பெற்றுக்கொண்டிருந்தவேளை தீ மூண்டது அவ்வேளை அங்கு 1500க்கும் அதிகமானவர்கள் காணப்பட்டனர் என தகவல்கள் வெளியாகியுள்ளன.