தவறவிடாதீர்கள்..!உடனே பதிவு செய்யுங்கள்

(நெவில் அன்தனி)

காலி சர்வதேச கிரிக்கெட் விளையாட்டரங்கில் நடைபெற்றுவரும் கொழும்பு - யாழ்ப்பாணம் அணிகளுக்கு இடையிலான SLC தேசிய சுப்பர் லீக் 4 நாள் கிரிக்கெட் போட்டி ஓரளவு சமநிலையில் மோதிக்கொள்ளப்பட்ட வண்ணம் இருக்கிறது.

போட்டியின் இரண்டாம் நாளான இன்று தனது முதல் இன்னிங்ஸை 7 விக்கெட் இழப்புக்கு 374 ஓட்டங்களிலிருந்து தொடர்ந்த கொழும்பு அணி சகல விக்கெட்களையும் இழந்து 386 ஓட்டங்களைப் பெற்றது.

துஷான் ஹேமன்த 31 ஓட்டங்களைப் பெற்றார்.

பந்துவீச்சில் ஜெவ்றி வெண்டிசே 86 ஓட்டங்களுக்கு 6 விக்கெட்களையும் மேர்வின் அபினாஷ் 97 ஓட்டங்களுக்கு 2 விக்கெட்களையும் வீழ்த்தினர்.

பதிலுக்கு துடுப்பெடுத்தாடிவரும் யாழ்ப்பாணம் அணி 2ஆம் நாள் ஆட்ட நேர முடிவில் 7 விக்கெட்களை இழந்து 227 ஓட்டங்களைப் பெற்றிருந்தது.

யாழ்ப்பாணம் அணி ஒரு கட்டத்தில் 4 விக்கெட்களை இழந்து 41 ஓட்டங்களைப் பெற்று பெரும் சிக்கலை எதிர்கொண்டது.

எனினும் மத்திய வரிசையில் ஜனித் லியனகே, அஞ்சல பண்டார ஆகிய இருவரும் அரைச் சதங்களைப் பெற்று அணியின் மொத்த எண்ணக்கைக்கு உரமூட்டினர்.

ஜனித் லியனகே 51 ஓட்டங்களைப் பெற்றார்.

தொடர்ந்து அஞ்சல பண்டார, சாமிக்க கருணாரட்ன (29) ஆகிய இருவரும் 6ஆவது விக்கெட்டில் 65 ஓட்டங்களைபப் பகிர்ந்தனர்.

7ஆவதாக ஆட்டம் இழந்த ஜெவ்றி வெண்டசே 18 ஓட்டங்களைப் பெற்றார்.

அஞ்சல பண்டார 84 ஓட்டங்களுடன் ஆட்டம் இழக்காதிருந்தார்.

பந்துவீச்சில் நிஷான் பீரிஸ் 55 ஓட்டங்களுக்கு 3 விக்கெட்களைக் கைப்பற்றினார்.

எண்ணிக்கை சுருக்கம்

கொழும்பு அணி 1ஆவது இன்: சகலரும் ஆட்டம் இழந்து 386 (அவிஷ்க பெர்னாண்டோ 144, கவின் பண்டார 77, சரித் அசலன்க 51, துஷான் ஹேமன்த 31, ஜெவ்றி வெண்டசே 86 - 6 விக்., மேர்வின் அபினாஷ் 93 - 2 விக்.)

யாழ்ப்பாணம் அணி 1ஆவது இன்: 227 - 7 விக். (அஞ்சல பண்டார 84 ஆ.இ., ஜனித் லியனகே 51, சாமிக்க கருணாரட்ன 29, நிஷான் பீரிஸ் 55 - 3 விக்.)