தவறவிடாதீர்கள்..!உடனே பதிவு செய்யுங்கள்

வரலாற்று சிறப்புமிக்க யாழ். பத்திரிசியார் கல்லூரியின் 175வது ஆண்டின் நடைபயணம் இன்று (14) கல்லூரி முன்பாக நடைபெற்றது.

இந்த நடைபயணமானது புனித பத்திரிசியார் கல்லூரியில் ஆரம்பித்து, பற்றிக்ஸ் பிரதான வீதி, கண்டி வீதி, வைத்தியசாலை வீதி, மணிக்கூட்டு வீதி, யாழ். பொது நூலக வீதியூடாக சென்று மீண்டும் பத்திரிசியார் கல்லூரியை சென்றடைந்தது.

1850ஆம் ஆண்டு பத்திரிசியார் மறை மாவட்ட ஆயரினால் இந்த கல்லூரி உருவாக்கப்பட்டு 2025ஆம் ஆண்டு யாழ். மறை மாவட்ட ஆயர் கலாநிதி ஜஸ்டின் ஞானப்பிரகாசம் ஆண்டகையின் மேற்பார்வையில் 175 ஆண்டினை கொண்டாடி வருகிறது.

யாழ். பத்திரிசியார் கல்லூரி உப அதிபர் தலைமையில் நடைபெற்ற இந்த நிகழ்வில் அணிவகுப்பு மரியாதை, தமிழ் கலை, கலாசார ஊர்வலம், விளையாட்டு அணிவகுப்புகள், கல்லூரியின் விஞ்ஞான, கலை, சுகாதார மன்ற அமைப்புக்களின் அணிவகுப்புக்கள் நடத்தப்பட்டன. 

இதில் பழைய மாணவர்கள், புலம்பெயர்ந்த மாணவ அமைப்பினர்கள், பங்கு முதல்வர்கள் என பலரும் கலந்துகொண்டனர்.