தவறவிடாதீர்கள்..!உடனே பதிவு செய்யுங்கள்

மோட்டார் சைக்கிளில் ஐஸ் போதைப்பொருள் கடத்தியதாக கூறப்படும் பெண் உட்பட இருவர்  நேற்று புதன்கிழமை (12) சீதுவை பொலிஸாரால் கைது செய்யப்பட்டுள்ளனர்.

சீதுவை பொலிஸாருக்குக் கிடைத்த  தகவலின் அடிப்படையில் சீதுவை, லியனகேமுல்ல பிரதேசத்தில் சந்தேகத்திற்கு இடமான முறையில் பயணித்த மோட்டார் சைக்கிள் ஒன்றில்  மேற்கொள்ளப்பட்ட  சோதனையில் சந்தேக நபர் கைது செய்யப்பட்டுள்ளார்.

வேபட பிரதேசத்தில் வசிக்கும் 31 வயதுடைய பெண்ணொருவரும் மினுவாங்கொடை பிரதேசத்தில் வசிக்கும் 40  வயதுடைய ஆணொருவருமே கைது செய்யப்பட்டுள்ளனர். 

சந்தேக நபர்களிடமிருந்து 568 கிராம் 220 மில்லிகிராம் ஐஸ் போதைப்பொருள் பொலிஸாரால் கைப்பற்றப்பட்டுள்ளது.

இது தொடர்பான மேலதிக விசாரணைகளை சீதுவை பொலிஸார் மேற்கொண்டு வருகின்றனர்.