தவறவிடாதீர்கள்..!உடனே பதிவு செய்யுங்கள்

ஹோமாகம பொலிஸ் பிரிவுக்கு உட்பட்ட பகுதிகளில் மேற்கொள்ளப்பட்ட சுற்றிவளைப்பில் ஹெரோயின் போதைப்பொருளுடன் பெண் உட்பட ஐந்து பேர் நேற்று புதன்கிழமை (12)  ஹோமாகம பொலிஸாரால் கைது செய்யப்பட்டுள்ளனர்.

ஹோமாகம பொலிஸாருக்குக் கிடைத்த தகவலின் அடிப்படையில் மேற்கொள்ளப்பட்ட 5 சுற்றிவளைப்பு நடவடிக்கைகளின் போதே சந்தேக நபர்கள் கைது செய்யப்பட்டுள்ளனர்.

பாதுக்கை மற்றும் ஹோமாகம  ஆகிய பகுதிகளில் வசிக்கும் 24, 26, 28 மற்றும் 33 வயதுடைய நான்கு ஆண்களும் ஹோமாகம பகுதியில் வசிக்கும் 33 வயதுடைய பெண்ணொருவருமே கைது செய்யப்பட்டுள்ளனர்.

சந்தேக நபர்களிடமிருந்து  37 கிராம் 310 மில்லிகிராம் ஹெரோயின் போதைப்பொருள் பொலிஸாரால் கைப்பற்றப்பட்டுள்ளது

இது தொடர்பான மேலதிக விசாரணைகளை ஹோமாகம பொலிஸார் மேற்கொண்டு வருகின்றனர்.