தவறவிடாதீர்கள்..!உடனே பதிவு செய்யுங்கள்

எம்மில் சிலர் அதீத சோர்வு காரணமாக கொட்டாவி விடும் போது இயல்பான அளவை விட அதிக அளவிற்கு வாயை திறப்பார்கள். மேலும் வேறு சிலர் துரித உணவகத்திற்கு சென்று அங்கு உள்ள பர்கர் எனும் மேலத்தேய உணவினை சுவைக்கிறேன் என்ற பெயரில் வாயை இயல்பான அளவை விட கூடுதலாக திறந்து ருசிக்க தொடங்குவர்.

இதன் காரணமாக எம்முடைய காது பகுதியையும் , வாய்ப்பகுதியையும் இணைக்கும் மூட்டு பகுதியில் பாதிப்பு ஏற்பட்டு அவை காது வலியாக வெளிப்படக்கூடும். இத்தகைய பாதிப்பு ஏற்பட்டவர்களுக்கு தற்போது நவீன பாணியிலான சிகிச்சை மூலம் முழுமையான நிவாரணம் வழங்கலாம் என வைத்திய நிபுணர்கள் விவரிக்கிறார்கள்.

எம்மில் சிலருக்கு காது வலி ஏற்படக்கூடும். இதற்காக பிரத்யேக வைத்திய நிபுணரிடம் சென்று பரிசோதனை மேற்கொள்ளும் போது பாதிப்பு எதுவும் இல்லை என தெரியவரும்.

இருப்பினும் காதில் வலி தொடரக்கூடும். இந்த தருணத்தில் காதில் வலி ஏற்படுவதற்கு பல காரணங்கள் உண்டு. டெம்போரோரோமாண்டிபுலர் ஜாயின்ட் டிஸ்பங்க்ஷன் எனப்படும் இத்தகைய பிரத்யேக மூட்டு பகுதியில் ஏற்படும் சம சீரற்ற தன்மை காரணமாக காது வலி உண்டாகிறது.

சிலருக்கு இத்தகைய பாதிப்பின் காரணமாக தலைவலி மற்றும் ஒரு பக்க காது மற்றும் தலைவலியும் ஏற்படக்கூடும்.

தொடர்ந்து சூயிங்கம்மை மெல்லுவதாலும் ஸ்ட்ரெஸ் எனப்படும் மன அழுத்தத்தின் காரணமாகவும் இத்தகைய பாதிப்பு ஏற்படக்கூடும் என வைத்திய நிபுணர்கள் விவரிக்கிறார்கள். 

 வைத்தியர்கள் இதன் பாதிப்பின் தன்மையை துல்லியமாக அவதானிப்பதற்காக அல்ட்ரா சவுண்ட் ஸ்கேன் பரிசோதனையை மேற்கொள்ள பரிந்துரைப்பர்.

இதனை பிசியோதெரபி - அல்ட்ரா சவுண்ட் தெரபி போன்ற சிகிச்சை மூலம் நிவாரணம் வழங்குவார்கள். இதன் பின்னரும் நிவாரணம் முழுமையாக கிடைக்கவில்லை என்றால் எம் ஆர் எஸ் ஸ்கேன் பரிசோதனை மேற்கொள்ளப்பட்டு, அவர்களுக்கு பிரத்யேக சத்திர சிகிச்சை மூலம் நிவாரணம் அளிப்பார்கள்.

வைத்தியர் விக்னேஷ்

தொகுப்பு அனுஷா.