தவறவிடாதீர்கள்..!உடனே பதிவு செய்யுங்கள்

ஜா - எல, உஸ்வெட்டகெய்யாவ, மோர்கன்வத்த கடற்கரை பகுதியில் கடந்த 20 ஆம் திகதி  இரவு இடம்பெற்ற துப்பாக்கிச் சூட்டுச் சம்பவத்துடன் தொடர்புடைய மற்றுமொரு சந்தேக நபர் நேற்று புதன்கிழமை (26) இரவு கைது செய்யப்பட்டுள்ளதாக பமுனுகம பொலிஸார் தெரிவித்தனர்.

மோர்கன்வத்த கடற்கரை பகுதியில் 20 ஆம் திகதி இரவு இனந்தெரியாத நபர்கள் சிலர், கடவத்தை பிரதேசத்தைச் சேர்ந்த நபரொருவரை மண்டியிட வைத்து சுட்டுக்கொலை செய்துவிட்டு அங்கிருந்து தப்பிச் சென்றிருந்தனர்.

இது தொடர்பில் பொலிஸாரால் மேற்கொள்ளப்பட்ட விசாரணையில், இந்த துப்பாக்கிச் சூட்டுச் சம்பவத்துடன் தொடர்புடைய மற்றுமொரு சந்தேக நபர் ராகம வல்பொல பிரதேசத்தில் வைத்து நேற்றைய தினம் கைது செய்யப்பட்டுள்ளார்.

கைது செய்யப்பட்ட சந்தேக நபர்  ராகம வல்பொல பிரதேசத்தில் வசிக்கும் 29 வயதுடையவர் ஆவார். 

சந்தேக நபரிடமிருந்து 12 கிராம் ஐஸ் போதைப்பொருள் மற்றும் வெளிநாட்டில் தயாரிக்கப்பட்ட கைக்குண்டு என்பன பொலிஸாரால் கைப்பற்றப்பட்டுள்ளன.

இது தொடர்பில் பமுனுகம பொலிஸார் விசாரணைகளை மேற்கொண்டு வருகின்றனர்.