தவறவிடாதீர்கள்..!உடனே பதிவு செய்யுங்கள்

முல்லைத்தீவு மாவட்டத்தின் பாரிய நீர்ப்பாசன குளமான முத்துஐயன்கட்டுக் குளத்தின் 2025ஆம் ஆண்டுக்கான சிறுபோக செய்கை தொடர்பான கூட்டம் நேற்று (18) முல்லைத்தீவு மாவட்ட அரசாங்க அதிபர் உமாமகேஸ்வரன் தலைமையில் நடைபெற்றது.

முத்துஐயன்கட்டு நீர்ப்பாசன பொறியியலாளர் அலுவலகத்தில் நடைபெற்ற இந்த கலந்துரையாடலில் ஒட்டுசுட்டான் பிரதேச செயலாளர் முல்லைத்தீவு மாவட்டத்தில் நீர்ப்பாசன பொறியியலாளர் உட்பட சம்பந்தப்பட்ட திணைக்களங்களின் தலைவர்கள், கிராம அலுவலர்கள், கமக்கார அமைப்பின் பிரதிநிதிகள், பொதுமக்கள் என பலரும் கலந்துகொண்டனர்.

முல்லைத்தீவு மாவட்டத்தில்   முத்துஐயன்கட்டு குளத்தின் கீழ் 4564.5 ஏக்கர் நிலப்பரப்பு சிறுபோக செய்கைக்காக தீர்மானிக்கப்பட்ட நிலையில் 3686.5 ஏக்கர் விவசாய நிலத்தில் நெற்செய்கையும் 878 ஏக்கர் விவசாய நிலத்தில் ஏனைய உணவுப் பயிர்ச்செய்கையும் மேற்கொள்ள தீர்மானிக்கப்பட்டுள்ளது. 

இந்த சிறுபோக செய்கைக்கான வாய்க்கால் துப்பரவு, நீர் வழங்கல், கால்நடை கட்டுப்பாடு, நன்னீர் மீன்பிடி முதலான பல்வேறு விடயங்கள் இதன்போது ஆராயப்பட்டு தீர்மானங்கள் நிறைவேற்றப்பட்டன.