தவறவிடாதீர்கள்..!உடனே பதிவு செய்யுங்கள்

கொழும்பிலிருந்து அநுராதபுரம் நோக்கிச் சென்ற ரயில் மோதி பலத்த காயங்களுக்குள்ளான நபர் ஒருவரை சிகிச்சைக்காக  வைத்தியசாலையில் அனுமதித்த நிலையில் சிகிச்சை பலனின்றி உயிரிழந்துள்ளதாக தம்புத்தேகம பொலிஸார் தெரிவித்தனர்.

தம்புத்தேகம பொலிஸ் பிரிவின் தம்புத்தேகம மற்றும் செனரத்கம ரயில் நிலையத்திற்கு இடைப்பட்ட பகுதியில் இன்று புதன்கிழமை (19)  அதிகாலை இச்சம்பவம் இடம்பெற்றுள்ளது.

சம்பவத்தில் உயிரிழந்த நபர் 65 வயது மதிக்கத்தக்கவர் என்பதுடன், அவர் பற்றிய வேறு எந்த தகவல்களும் இதுவரையில் கண்டறியப்படவில்லை என பொலிஸார் தெரிவித்தனர்.

மேலும், சடலம் தம்புத்தேகம வைத்தியசாலையின் பிரேத அறையில் வைக்கப்பட்டுள்ளதுடன், சம்பவம் தொடர்பான மேலதிக விசாரணைகளை தம்புத்தேகம பொலிஸார் மேற்கொண்டு வருகின்றனர்.