தவறவிடாதீர்கள்..!உடனே பதிவு செய்யுங்கள்

அநுராதபுரம், கிரானேகம பொலிஸ் பிரிவுக்கு உட்பட்ட கோரளயாகம மற்றும் உல்பத்தயாய ஆகிய பகுதிகளில் மேற்கொள்ளப்பட்ட இரு சுற்றிவளைப்பு நடவடிக்கையின் போது ஆறு துப்பாக்கிகளுடன் இரண்டு சந்தேக நபர்கள் திங்கட்கிழமை (17) பிற்பகல் கிரானேகம பொலிஸாரால் கைதுசெய்யப்பட்டுள்ளனர். 

கிரானேகம பொலிஸாருக்கு கிடைத்த தகவலின் பேரில் மேற்கொள்ளப்பட்ட சுற்றிவளைப்பின் போதே சந்தேக நபர்கள் கைதுசெய்யப்பட்டுள்ளனர். 

சந்தேக நபர்களிடமிருந்து ஒரு வெளிநாட்டுத் துப்பாக்கியும் ஐந்து உள்நாட்டுத் துப்பாக்கிகளும் பொலிஸாரால் கைப்பற்றப்பட்டுள்ளன.

கைது செய்யப்பட்டவர்கள் 49 மற்றும் 51 வயதுடைய தேவஹுவ மற்றும் தம்புளுஹல்மில்லவெவ ஆகிய பகுதிகளை வசிப்பிடமாகக் கொண்டவர்கள் ஆவர்.

இது தொடர்பான மேலதிக விசாரணைகளை கிரானேகம பொலிஸார் மேற்கொண்டு வருகின்றனர்.

விசாரணைகளின் பின்னர் சந்தேக நபர்கள் இருவரும் கெக்கிராவ நீதிமன்றத்தில் ஆஜர்படுத்தப்படவுள்ளமை  குறிப்பிடத்தக்கது.