தவறவிடாதீர்கள்..!உடனே பதிவு செய்யுங்கள்

மினுவாங்கொடை - கட்டுநாயக்க வீதியில் கோபிவத்த பிரதேசத்தில் திங்கட்கிழமை (17) பிற்பகல் இடம்பெற்ற விபத்தில் இளைஞன் ஒருவன் உயிரிழந்துள்ளதாக மினுவாங்கொடை பொலிஸார் தெரிவித்தனர்.

வேன் ஒன்று வீதியில் பயணித்த முச்சக்கரவண்டி ஒன்றை முன்னோக்கி கடந்து செல்ல முயன்ற போது, முச்சக்கரவண்டியானது வேனுடன் மோதி குடைசாய்ந்ததில் இந்த விபத்து இடம்பெற்றுள்ளது.

விபத்தின் போது, முச்சக்கரவண்டியின் சாரதி படுகாயமடைந்துள்ள நிலையில் மினுவாங்கொடை வைத்தியசாலையில் அனுமதிக்கப்பட்ட பின்னர் உயிரிழந்துள்ளார். 

நிட்டம்புவ பிரதேசத்தைச் சேர்ந்த 26 வயதுடைய இளைஞனே உயிரிழந்துள்ளார். 

இதனையடுத்து 30 வயதுடைய வேனின் சாரதி பொலிஸாரால் கைது செய்யப்பட்டுள்ளார்.

இது தொடர்பான மேலதிக விசாரணைகளை மினுவாங்கொடை பொலிஸார் மேற்கொண்டு வருகின்றனர்.