தவறவிடாதீர்கள்..!உடனே பதிவு செய்யுங்கள்

வெலிபென்ன பொலிஸ் பிரிவுக்கு உட்பட்ட கெப்பெட்டிகஹலந்த பகுதியில் ஹெரோயின் போதைப்பொருள், வெளிநாட்டு துப்பாக்கி மற்றும் தோட்டாக்களுடன் சந்தேக நபர் ஒருவர் நேற்று திங்கட்கிழமை (17) கைது செய்யப்பட்டுள்ளதாக வெலிபென்ன பொலிஸார் தெரிவித்தனர்.

வெலிபென்ன பொலிஸாருக்கு கிடைத்த தகவலின் அடிப்படையில் மேற்கொள்ளப்பட்ட சுற்றிவளைப்பின் போதே  சந்தேக நபர் கைதுசெய்யப்பட்டுள்ளார்.

கைது செய்யப்பட்ட சந்தேக நபர் அஹுங்கல்லவைச் சேர்ந்த 32 வயதுடையவராவார்.

சந்தேக நபரிடமிருந்து 03 கிராம் 560 மில்லிகிராம் ஹெரோயின் போதைப்பொருள் ,வெளிநாட்டில் தயாரிக்கப்பட்ட பிஸ்டல் வகை துப்பாக்கி மற்றும் 9 மில்லிமீற்றர் நீளமுடைய 14 தோட்டாக்கள் என்பன பொலிஸாரினால் கைப்பற்றப்பட்டுள்ளன.

இது தொடர்பில் களுத்துறை பொலிஸார் மேலதிக விசாரணைகளை மேற்கொண்டு வருகின்றனர்.