தவறவிடாதீர்கள்..!உடனே பதிவு செய்யுங்கள்

இளைய தலைமுறை ரசிகர்களிடம் விருப்பத்திற்குரிய நட்சத்திர நடிகராக வலம் வரும் நடிகர் ரியோ ராஜ் கதையின் நாயகனாக முதன்மையான கதாபாத்திரத்தில் நடித்திருக்கும் ' ஆண் பாவம் பொல்லாதது ' எனும் திரைப்படத்தின் ஃபர்ஸ்ட் லுக் வெளியிடப்பட்டிருக்கிறது. இதனை 'மக்கள் செல்வன்' விஜய் சேதுபதி மற்றும் முன்னணி நட்சத்திர இயக்குநர் லோகேஷ் கனகராஜ் ஆகியோர் இணைந்து அவர்களுடைய சமூக வலைதள பக்கத்தில் வெளியிட்டு, படக்குழுவினருக்கு வாழ்த்து தெரிவித்துள்ளனர்.

இயக்குநர் கலையரசன் தங்கவேல் இயக்கத்தில் உருவாகி வரும் ' ஆண் பாவம் பொல்லாதது ' எனும் திரைப்படத்தில் ரியோ ராஜ், மாளவிகா மனோஜ், ஆர். ஜே. விக்னேஷ் காந்த் , ஷீலா உள்ளிட்ட பலர் நடிக்கிறார்கள். மாதேஷ் மாணிக்கம் ஒளிப்பதிவு செய்து வரும் இந்த திரைப்படத்திற்கு சித்து குமார் இசையமைக்கிறார். இந்த திரைப்படத்தை டிரம்ஸ்டிக் புரொடக்ஷன்ஸ் நிறுவனம் சார்பில் தயாரிப்பாளர் வெடிகாரன்பட்டி எஸ் . சக்திவேல் தயாரிக்கிறார்.

நடிகர் ரியோராஜின் பிறந்த நாளை முன்னிட்டு அவர் நடிப்பில் உருவாகும் 'ஆண் பாவம் பொல்லாதது' எனும் திரைப்படத்தின் ஃபர்ஸ்ட் லுக்கை வெளியிட்டு, அவருடைய ரசிகர்களை படக்குழுவினர் உற்சாகப்படுத்தி இருக்கிறார்கள்.