தவறவிடாதீர்கள்..!உடனே பதிவு செய்யுங்கள்

டெங்கு ஒழிப்பு உதவியாளர்கள் 310 பேருக்கு நிரந்தர நியமனம் வழங்க  சுகாதார அமைச்சு நடவடிக்கை எடுத்துள்ளது என சுகாதார மற்றும் வெகுஜன ஊடக பிரதி அமைச்சர் வைத்தியர் ஹன்சக விஜேமுனி கண்டியில் தெரிவித்துள்ளார். 

கடந்த வெள்ளிக்கிழமை (14) கண்டி மாவட்ட ஒருங்கிணைப்புக் குழு கூட்டத்தில் கலந்துகொண்ட  பிரதி அமைச்சர்  கேள்வி ஒன்றுக்கு பதிலளித்து உரையாற்றுகையிலேயே இதனைத் தெரிவித்தார். 

நாடு முழுதும் தற்பொழுது 310 டெங்கு ஒழிப்பு உதவியாளர்கள் தற்காலிக அடிப்படையில் பணிபுரிந்து வருகின்றனர்.  

இவர்கள் தமது தொழிலை உறுதிப்படுத்துமாறு கோரி மிக  நீண்டகாலமாக கோரிக்கை விடுத்துவந்துள்ளதுடன் அடிக்கடி சத்தியாகிரகத்திலும் ஈடுபட்டு வந்துள்ளனர்.

இதற்கு நிதி அமைச்சினால் அனுமதி கிடைக்கப் பெற்றுள்ளதாகவும் இன்னும் இரண்டரை மாதத்துக்குள் இந்த நியமனம் வழங்கப்படும் எனவும்  பிரதி அமைச்சர் மேலும் குறிப்பிட்டார்.