தவறவிடாதீர்கள்..!உடனே பதிவு செய்யுங்கள்

ஈஸ்டர் ஞாயிறு குண்டு தாக்குதலில் புலனாய்வுத் தவறுகள் இழைக்கப்பட்டிருந்தன, பாதுகாப்பு தவறுகள் இடம்பெற்றிருந்தன.அவற்றை நீக்குவது தொடர்பாக ஆராய்வதற்காக அமைக்கப்பட்ட குழுக்கள், முக்கியமான ஒரு பரிந்துரையை முன் வைத்திருந்தன. புலனாய்வு தகவல்களைப் பெற்று அவற்றை பகுப்பாய்வு செய்வதற்கும், அவற்றை ஏனைய பாதுகாப்பு கட்டமைப்புகளுடன் பகிர்ந்து கொள்வதற்கும் ஏற்றவாறு தேசிய பாதுகாப்பு செயலகம் உருவாக்கப்பட்டு, தேசிய பாதுகாப்பு ஆலோசகர் பதவியில் ஒருவர் அமர்த்தப்பட வேண்டும் என்பதே அந்தப் பரிந்துரை.அது பற்றி, மைத்திரிபால சிறிசேனவின் காலத்திலும் சரி, பின்னர் கோட்டாபய ராஜபக் ஷ மற்றும் ரணில் விக்கிரமசிங்கவின் காலத்திலும் சரி, பரிசீலனை நிலையில் இருந்த போதும் இறுதியான எந்த முடிவும் எடுக்கப்படவில்லை.