தவறவிடாதீர்கள்..!உடனே பதிவு செய்யுங்கள்

கொழும்பு, புறக்கோட்டை பொலிஸ் பிரிவுக்கு உட்பட்ட பகுதியில் ஐஸ் மற்றும் கொக்கெய்ன் போதைப்பொருட்களுடன் இளைஞன் ஒருவன் நேற்று வெள்ளிக்கிழமை  (14) மாலை கைது செய்யப்பட்டுள்ளதாக பொலிஸ் விசேட அதிரடிப்படையினர் தெரிவித்தனர்.

பொலிஸ் விசேட அதிரடிப்படையினருக்குக் கிடைத்த தகவலின் பேரில் மேற்கொள்ளப்பட்ட சுற்றிவளைப்பில் சந்தேக நபர் கைது செய்யப்பட்டுள்ளார்.

கைது செய்யப்பட்ட சந்தேக நபர் கொலன்னாவை பிரதேசத்தில் வசிக்கும் 25 வயதுடைய இளைஞன் ஆவார்.

சந்தேக நபரிடமிருந்து 04 கிராம் 800 மில்லி கிராம் ஐஸ் போதைப்பொருளும், 43 கிராம் 600 மில்லி கிராம்  கொக்கெய்ன் போதைப்பொருளும், முச்சக்கரவண்டி ஒன்றும் கைப்பற்றப்பட்டுள்ளன.

இதனையடுத்து, கைது செய்யப்பட்ட சந்தேக நபர் மேலதிக விசாரணைகளுக்காக புறக்கோட்டை பொலிஸ் நிலையத்தில் ஒப்படைக்கப்பட்டுள்ளார்.

இது தொடர்பான மேலதிக விசாரணைகளை புறக்கோட்டை பொலிஸார் மேற்கொண்டு வருகின்றனர்