தவறவிடாதீர்கள்..!உடனே பதிவு செய்யுங்கள்

பலாங்கொடை, கிரிந்திகல பிரதேசத்தில் உள்ள உணவகம் ஒன்றில் வாங்கிய குளிர்பானத்தை அருந்திய தந்தையும் மகளும் திடீரென சுகயீனமுற்று வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

இந்த சம்பவம் நேற்று புதன்கிழமை (12) பிற்பகல் இடம்பெற்றுள்ளது.

இது தொடர்பில் தெரியவருவதாவது , 

இரத்தினபுரி, கெடன்தொல பிரதேசத்தில் வசிக்கும் குடும்பம் ஒன்று பலாங்கொடை பிரதேசத்திற்குச் சென்றிருந்த போது உணவகம் ஒன்றிற்கு சென்றுள்ளனர்.

இதன்போது, தந்தையும் 09 வயதுடைய மகளும் உணவகத்திலிருந்த குளிர்பானம் ஒன்றை வாங்கி அருந்தியுள்ளனர்.

பின்னர், தந்தையும் மகளும் திடீரென சுகயீனமுற்றுள்ள நிலையில் உடனடியாக பலாங்கொடை ஆதார வைத்தியசாலையில் அனுமதிக்கப்பட்டுள்ளனர். 

இதனையடுத்து, வைத்தியசாலை வட்டாரங்கள் இது தொடர்பில் பலாங்கொடை சுகாதார வைத்திய அதிகாரிகளுக்கு அறிவித்துள்ளனர்.

இது தொடர்பான மேலதிக விசாரணைகளை பலாங்கொடை சுகாதார வைத்திய அதிகாரிகள் மேற்கொண்டு வருகின்றனர்.