தவறவிடாதீர்கள்..!உடனே பதிவு செய்யுங்கள்

பொகவந்தலவை கெர்க்கஸ்வோல்ட் பகுதியிலுள்ள பாடசாலையொன்றின் பிரதி அதிபருக்கு வழங்கப்பட்ட விடுதியினை  உடைத்து மடிகணினி மற்றும் தங்க ஆபரணங்கள், பாடசாலையில் பாவனைக்கு வைக்கப்படிருந்த எரிவாயு  சிலிண்டர் ஆகியவற்றை திருடிய ஒரே குடும்பத்தை சேர்ந்த  தந்தை,  தாய், 15 வயது மகன் ஆகியோர் கைது செய்யப்பட்டு தந்தை தாய் ஆகியோரை எதிர்வரும் 14ம் திகதி வரை  விளக்கமறியலில் வைக்குமாறும்  15வயது மகனை சிறுவர் பராமரிப்பு நிலையத்தில்  ஒப்படைக்குமாறு அட்டன் நீதிமன்ற நீதவான் உத்தரவிட்டுள்ளார்.

இன்று புதன்கிழமை (12) சந்தேக நபர்கள் அட்டன் நீதவான் முன்னிலையில் ஆஜர்ப்படுத்தப்பட்ட போதே நீதவான் இந்த உத்தரவை  பிறப்பித்தார். 

இந்த சம்பவம் தொடர்பில் மேலும் தெரியவருவதாவது, 

பொகவந்தலாவை பாடசாலையொன்றின்  பிரதி அதிபரின் விடுதியினை உடைத்து விடுதியில் இருந்த மடிகணினி மற்றும் தங்க ஆபரணங்கள் எரிவாயு நிரப்பும் சிலிண்டர் என்பன நேற்று செவ்வாய்க்கிழமை (11)   திருடப்பட்டப்பட்டுள்ளது. 

இந்த விடயம் தொடர்பில்  கிடைக்கப்பெற்ற தகவலுக்கமைய பொகவந்தலாவை  பொலிஸார் விசாரணைகளை முன்னெடுத்தனர். 

விசாரணையில் பொகவந்தலாவை கெர்க்கஸ்வோல்ட் மேல்பிரிவு தோட்டபகுதியில் உள்ள வீடு ஒன்றை பொகவந்தலாவை  பொலிஸார் சோதனையிட்டனர். 

சோதனையிட்ட போதே குறித்த வீட்டில் திருடப்பட்ட மடிகணினி, தங்க ஆபரணங்கள், எரிவாயு நிரப்பும் சிலிண்டர்  என்பன பொலிஸாரால் கைப்பற்றப்பட்டதுடன் ஒரே குடும்பத்தை சேர்ந்த மூவர் கைது செய்யப்பட்டதாக  பொகவந்தலாவை பொலிஸார்  தெரிவித்தனர்.

இந்த சம்பவம் தொடர்பில் ஒரே குடும்பத்தை சேர்ந்த மூவர் நேற்று செவ்வாய்க்கிழமை (11)  கைது செய்யப்பட்டதாக  பொகவந்தலாவை பொலிஸார்  தெரிவித்தனர்.  

சம்பவம் தொடர்பில் மேலதிக விசாரணைகளை பொகவந்தலாவை பொலிஸார் மேற்கொண்டு வருகின்றனர்.