தவறவிடாதீர்கள்..!உடனே பதிவு செய்யுங்கள்

தமிழ் திரையுலகின் முன்னணி நகைச்சுவை நட்சத்திரங்களான யோகி பாபு- கருணாகரன்- ரமேஷ் திலக்- ஆகியோர் கதையின் நாயகர்களாக நடித்திருக்கும் 'லெக் பீஸ்' எனும் திரைப்படத்தின் வெளியீட்டு திகதி அதிகாரப்பூர்வமாக அறிவிக்கப்பட்டிருக்கிறது.

இயக்குநர் ஸ்ரீ நாத் இயக்கத்தில் உருவாகியுள்ள 'லெக் பீஸ்' எனும் திரைப்படத்தில் யோகி பாபு , கருணாகரன், ரமேஷ் திலக், 'நிறம்' மணிகண்டன் உள்ளிட்ட பலர் நடித்திருக்கிறார்கள்.

மாசாணி ஒளிப்பதிவு செய்திருக்கும் இந்த திரைப்படத்திற்கு பிஜோர்ன் சுராவ் இசையமைத்திருக்கிறார். நகைச்சுவை படைப்பாக தயாராகி இருக்கும் இந்த திரைப்படத்தை ஹீரோ சினிமாஸ் நிறுவனம் சார்பில் தயாரிப்பாளர் சி. மணிகண்டன் தயாரித்திருக்கிறார்.

இப்படத்தின் படப்பிடிப்பு பணிகள் நிறைவடைந்து படப்பிடிப்புக்கு பிந்தைய தொழில்நுட்ப பணிகள் விறுவிறுப்பாக முழு வீச்சில் நடைபெற்று வருகிறது. 

இந்நிலையில் இப்படம் எதிர்வரும் மார்ச் மாதம் ஏழாம் திகதியன்று உலகம் முழுவதும் பட மாளிகையில் வெளியாகும் என பட குழுவினர் பிரத்யேக புகைப்படத்தை வெளியிட்டு உற்சாகமாக அறிவித்துள்ளனர்.