தவறவிடாதீர்கள்..!உடனே பதிவு செய்யுங்கள்

தலங்கம பொலிஸ் நிலையத்தின் தொலைபேசி இலக்கத்திற்கு தொடர்பு கொண்டு கொலை மிரட்டல் விடுத்ததாக கூறப்படும் பொலிஸ் கான்ஸ்டபிள் ஒருவர் கைது செய்யப்பட்டுள்ளதாக தலங்கம பொலிஸார் தெரிவித்தனர்.

கைது செய்யப்பட்ட சந்தேக நபர்  தலங்கம பொலிஸ் நிலையத்தில் கடமையாற்றும் பொலிஸ் கான்ஸ்டபிள் ஆவார். 

இது தொடர்பில் தெரியவருவதாவது, 

தலங்கம பொலிஸ் நிலையத்தின் தொலைபேசி இலக்கத்திற்கு தொடர்பு கொண்ட மர்ம நபரொருவர் “ இன்று உங்களது தலவத்துகொட நபர் மீது  துப்பாக்கிச் சூடு நடத்துவேன் ” என கூறி  கொலை மிரட்டல் விடுத்துள்ளார்.

இதனையடுத்து விசாரணைகளை ஆரம்பித்த பொலிஸார், சந்தேக நபரான பொலிஸ் கான்ஸ்டபிளை கைது செய்துள்ளனர்.

சந்தேக நபரை நீதிமன்றில் ஆஜர்படுத்த தலங்கம பொலிஸார் நடவடிக்கை எடுத்து வருகின்றனர்.