தவறவிடாதீர்கள்..!உடனே பதிவு செய்யுங்கள்

மாத்தளை கந்தேநுவர அல்வத்த ஸ்ரீ முத்துமாரியம்மன் பெரிய கோயில் மஹா கும்பாபிஷேக பெருஞ்சாந்தி பெருவிழா நேற்றைய தினம் (10) காலை நடைபெற்றது. 

கணபதி வழிபாடுகளோடு  கிரியைகள் ஆரம்பமானதை தொடர்ந்து, பிரதிஷ்ட பிரதம குருவாக ஷாஹித்ய சிரோண்மணி  தற்புருஷ சிவம்   சிவஸ்ரீ ச. ஸ்கந்தராஜ குருக்களின் தலைமையில் நாட்டின் பல பாகங்களிலிருந்தும் வருகை தந்த சிவாச்சாரியார்களின் மந்திரங்கள் வேதங்கள் முழங்க, யாகங்கள் வளர்க்கப்பட்டது.

மங்கள வாத்தியங்கள் இசை முழங்க, பக்தர்களின் அரோகரா கோஷங்கள் முழங்க காலை 9.15 மணி தொடக்கம் 10.28 மணி வரை மகா கும்பாபிஷேகம் நடத்தப்பட்டது. 

அதன் பின்னர், விசேட மகேஸ்வர பூஜையை தொடர்ந்து பக்த அடியவர்களுக்கான அன்னதானம் வழங்கப்பட்டது.