தவறவிடாதீர்கள்..!உடனே பதிவு செய்யுங்கள்

ஹட்டன் - மஸ்கெலியா பிரதான வீதியில் நோர்வூட் நியூவேலி பகுதியில் திங்கட்கிழமை (10) மாலை இடம்பெற்ற விபத்தில் இருவர் படுகாயமடைந்துள்ளதுடன் முச்சக்கரவண்டி பலத்த சேதமடைந்துள்ளது

ஹட்டனில் இருந்து மஸ்கெலியா சாமிமலை நோக்கிப்  பயணித்த முச்சக்கரவண்டி ஒன்றும்  மஸ்கெலியாவில் இருந்து நுவரெலியா நோக்கிப் பயணித்த லொறி ஒன்றும்  நேருக்கு நேர் மோதியதில் இந்த விபத்து இடம்பெற்றுள்ளது.

விபத்தில் முச்சக்கரவண்டியின் சாரதி மற்றும் பெண் ஒருவர் படுகாயமடைந்துள்ள நிலையில்  டிக் ஓயா ஆதார வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர். 

முச்சக்கரவண்டியின் அதிக வேகமே விபத்துக்குக் காரணமாக இருக்கலாம் என பொலிஸார் சந்தேகிக்கின்றனர்.

மேலும் லொறியின் சாரதி சந்தேகத்தின் பேரில்  கைது செய்யப்பட்டுள்ளதுடன் விபத்து தொடர்பான மேலதிக விசாரணைகளை நோர்வூட் பொலிஸார் மேற்கொண்டு வருகின்றனர்.